PM Modi: తెలంగాణ అసెంబ్లీ ఎన్నికల ప్రచారానికి ఇంకా ఒక్కరోజు మాత్రమే ఉండడంతో జాతీయ స్థాయి నేతలంతా రాష్ట్రం పై ఫోకస్ పెట్టారు. అగ్ర నేతలంతా ప్రచారం నిమిత్తం రాష్ట్రంలోనే తిష్ఠ వేశారు. ప్రధాని మోడీ కూడా ఎన్నికల ప్రచారం నిమిత్తం ఆదివారమే తెలుగు రాష్ట్రాలకు విచ్చేశారు. సోమవారం ఉదయం ఆయన తిరుమల శ్రీవారిని దర్శించుకున్నారు. అనంతరం రాష్ట్రంలోని పలు ప్రాంతాల్లో ఎన్నికల ప్రచారంలో పాల్గొననున్నారు. తిరుపతి విమానాశ్రయం నుంచి ఉదయం 10.25 గంటలకు బయలుదేరి 11 గంటలకు హకీంపేట చేరుకుంటారు. హకీంపేట నుంచి మోదీ మహబూబాబాద్ చేరుకుంటారు.
చదవండి:Weather Report: నాయకులు ఆశలపై వరుణుడు నీళ్లు చల్లేనా.. నవంబర్ 30న భారీ వర్షం?
అక్కడ మధ్యాహ్నం దాదాపు 40 నిమిషాల పాటు బీజేపీ నిర్వహించే బహిరంగ సభలో పాల్గొంటారు. అనంతరం మధ్యాహ్నం 12 గంటలకు మహబూబాబాద్ నుంచి మోడీ బయలుదేరి కరీంనగర్ చేరుకుంటారు. మధ్యాహ్నం కరీంనగర్‌లో బీజేపీ నిర్వహిస్తున్న విజయ సంకల్ప సభలో ప్రధాని మోదీ పాల్గొంటారు. సాయంత్రం 4 గంటలకు కరీంనగర్ సభ అనంతరం హైదరాబాద్ లోని ఆర్టీసీ క్రాస్ రోడ్ నుంచి కాచిగూడ చౌరస్తా వరకు రెండు కిలోమీటర్ల మేర రోడ్ షోలో మోడీ ఎన్నికల ప్రచారాన్ని కొనసాగించనున్నారు. రోడ్ షా అనంతరం గురుపౌర్ణమి సందర్భంగా అమీర్ పేట్ లోని గురుద్వారాలో ఆయన ప్రత్యేక పూజలు నిర్వహిస్తారు.
చదవండి:Today Horoscope:ఈ రోజు రాశి ఫలాలు (నవంబర్ 27, 2023)
