MBSG wins Durand Cup 2023 title for 17th time
23 ఏళ్ల తర్వాత మళ్లీ డ్యూరాండ్ కప్ 2023(Durand Cup final 2023) టైటిల్‌ను మోహన్ బగాన్ సూపర్ జెయింట్(MBSG) జట్టు గెల్చుకుంది. బెంగాల్లోని కోల్‌కతాలో ఆదివారం జరిగిన ఫైనల్ మ్యాచులో 1-0 తేడాతో చిరకాల ప్రత్యర్థి జట్టైన ఈస్ట్ బెంగాల్(EBFC)ను ఓడించారు. డిమిత్రి పెట్రాటోస్ 62వ నిమిషంలో అద్భుతమైన గోల్ చేసి జట్టును విజయతీరాలకు తీసుకెళ్లారు. దిమిత్రి పెట్రాటోస్ చేసిన ఒంటరి గోల్ కారణంగా మోహన్ బగాన్ జట్టు 132వ డ్యురాండ్ కప్ టైటిల్ కైవసం చేసుకుంది. దీంతో MBSG జట్టు కెప్టెన్ సుభాసిష్ బోస్ రూ.60 లక్షల చెక్కును స్వీకరించారు. మరోవైపు ఈస్ట్ బెంగాల్ ఆటగాళ్లు రన్నరప్ పతకాలను అందుకున్నారు.
ఆసియాలోని పురాతన ఫుట్ బాల్(football) క్లబ్ టోర్నమెంట్‌ అయిన డ్యురాండ్ కప్ ను రికార్డుస్థాయిలో మోహన్ బగాన్ జట్టు 17వసారి గెల్చుకోవడం విశేషం. ఈ జట్టు చివరిసారిగా 2000లో గోల్డెన్ గోల్ ద్వారా మహీంద్రా యునైటెడ్‌ను ఓడించి ఈ టైటిల్‌ను గెలుచుకున్నారు. మోహన్ బగాన్ 2004లో డ్యూరాండ్ కప్ ఫైనల్ కు చేరి ఈస్ట్ బెంగాల్‌తో 1-2 తేడాతో ఓడిపోయింది.
ఇది కూడా చూడండి: Heath Streak: క్యాన్సర్‌తో పోరాడి ఓడిపోయిన స్టార్ క్రికెటర్.. 49 ఏళ్ల వయస్సులో కన్నుమూత
