Prabhas Rajasab.. is it difficult now?
Prabhas: బాహుబలి తర్వాత భారీ పాన్ ఇండియా ప్రాజెక్ట్స్ చేస్తున్న రెబల్ స్టార్ ప్రభాస్.. మారుతితో సైలెంట్‌గా ఓ సినిమా మొదలు పెట్టాడు. చడీ చప్పుడు లేకుండానే ఈ సినిమా షూటింగ్ చేస్తూ వచ్చాడు. ఫైనల్‌గా పోయిన సంక్రాంతికి అఫీషియల్ అనౌన్స్మెంట్ ఇచ్చాడు మారుతి. రాజా సాబ్ అంటూ టైటిల్ రివీల్ చేస్తూ రిలీజ్ చేసిన ప్రభాస్ ఫస్ట్ లుక్. ఫ్యాన్స్‌కు మంచి కిక్ ఇచ్చింది. ఈ సినిమాలో వింటేజ్ డార్లింగ్‌ను చూపించబోతున్నాడు మారుతి. ప్రస్తుతం ఈ సినిమా షూటింగ్ స్టేజీలో ఉంది. లేటెస్ట్‌గా హీరోయిన్ నిధి అగర్వాల్‌ హైదరాబాద్‌లో జరుగుతున్న షెడ్యూల్‌లో జాయిన్ అయినట్టుగా తెలుస్తోంది. ఈ షెడ్యూల్‌లో ప్రభాస్, నిధి అగర్వాల్‌పై వచ్చే సన్నివేశాలు చిత్రీకరిస్తున్నారట.
చదవండి:Jai Hanuman: జై హనుమాన్ కొత్త పోస్టర్ చూశారా!
ఇదిలా ఉండగానే.. రాజాసాబ్ నుంచి ఫస్ట్ సింగిల్ రిలీజ్‌కు ప్లాన్ చేస్తున్నారనే న్యూస్ వైరల్‌గా మారింది. దానికి కారణం కూడా లేకపోలేదు. బేబి మూవీ నిర్మాత ఎస్‍కేఎన్.. పాట అదిరిపోయిందనేలా సింబల్స్, ఎమోజీలను పెడుతూ ఓ పోస్ట్ చేశాడు. దీనికి రాజాసాబ్ డైరెక్టర్ మారుతీ రెస్పాండ్ అయ్యాడు. స్మైలీ సింబల్‍తో రిప్లై ఇచ్చాడు. దీంతో.. ఇది రాజాసాబ్ మొదటి పాట గురించేననేని.. త్వరలోనే ఫస్ట్ సాంగ్ రిలీజ్ కానుందనే చర్చ మొదలైంది. కానీ ఇందులో నిజం లేదని అంటున్నారు. మేకర్స్ నుంచి అందుతున్న సమాచారం ప్రకారం.. ఇప్పట్లో రాజాసాబ్ ఫస్ట్ సింగిల్ కష్టమే అంటున్నారు. ఈ సినిమా రిలీజ్‌కు ఇంకా చాలా సమయం ఉంది కాబట్టి.. ఇప్పట్లో రాజాసాబ్ ఫస్ట్ సింగిల్ రిలీజ్ అయ్యే ఛాన్స్ లేదు. ఇక ఈ సినిమాకు థమన్ సంగీతం అందిస్తున్న సంగతి తెలిసిందే.
చదవండి:Akhanda2: అఖండ సీక్వెల్.. ఇదిగో అధికార ప్రకటన..!
