Mrunal thakur dating video viral This is the clarity
సీతారామం సినిమా క్లాసికల్ హిట్ అవడంతో..తెలుగులో వరుస ఆఫర్స్ అందుకుంటోంది మృణాల్ ఠాకూర్(Mrunal thakur). ఇప్పటికే న్యాచురల్ స్టార్ నాని సరసన ‘హాయ్ నాన్న’ సినిమాలో నటిస్తోంది. అలాగే విజయ్ దేవరకొండతో కలిసి ‘ఫ్యామిలీ స్టార్’ అనే సినిమా చేస్తోంది. ఇంకొన్ని ప్రాజెక్ట్స్‌ చర్చల దశలో ఉన్నాయి. ప్రస్తుతం టాలీవుడ్‌లో యంగ్ హీరోలతో ఛాన్స్ అందుకుంటున్న మృణాల్.. లేటెస్ట్‌గా ఓ వీడియోతో హాట్ టాపిక్‌గా మారింది. తాజాగా ముంబయిలో జరిగిన శిల్పాశెట్టి దివాళీ బాష్‌కు హాజరైంది మృణాల్ ఠాకూర్. ఈ సందర్బంగా.. ప్రముఖ బాలీవుడ్ ర్యాపర్ బాద్‌షాతో కాస్త సన్నిహితంగా కనిపించింది. అందుకు సంబంధించిన వీడియో ఒకటి సోషల్ మీడియాలో వైరల్‌గా మారింది. దీంతో ఈ ఇద్దరి మధ్య ఏదో ఉందని.. డేటింగ్ చేస్తున్నారంటూ వార్తలు గుప్పుమన్నాయి.
దీనిపై ఇప్పటి వరకు మృణాల్ ఠాకూర్ స్పందించలేదు. కానీ ర్యాపర్ బాద్‌షా(Badshah) మాత్రం ఇండైరెక్ట్‌గా స్పందించాడు. మిమ్మల్ని నిరాశపరిచినందుకు నన్ను క్షమించండి, మీరు అనుకుంటున్నట్లు అలాంటిదేం లేదని.. తన ఇన్‌స్టాలో స్టోరీస్‌లో పోస్ట్ చేశాడు. ఈ క్లారిటీ మృణాల్ గురించి వస్తున్న పుకార్ల గురించేనని అంటున్నప్పటికీ.. అతను ఎవరి గురించి అలా కామెంట్ చేశాడనే మళ్లీ హాట్ టాపిక్‌గా మారింది. దీంతో మృణాల్ కూడా క్లారిటీ ఇస్తే బెటర్ అని అంటున్నారు. అన్నట్టు..రీసెంట్‌గా మెగా ప్రొడ్యూసర్ అల్లు అరవింద్, మృణాల్ పై చేసిన కామెంట్స్ వైరల్ అయిన సంగతి తెలిసిందే. తెలుగింటి కోడలు కావాలని చెప్పుకొచ్చాడు. కానీ ఇప్పుడు మాత్రం అమ్మడు హిందీలోనే డేటింగ్ అంటూ వార్తలు వస్తున్నాయి.
