Nepal : ప్రతికూల వాతావరణం నేపాల్ ప్రజలకు పెను సమస్యగా మారింది. ఈరోజు అంటే శుక్రవారం ఉదయం మధ్య నేపాల్‌లోని మదన్-ఆషిర్ హైవేపై కొండచరియలు విరిగిపడటంతో సుమారు 63 మంది ప్రయాణికులతో వెళ్తున్న రెండు బస్సులు త్రిశూలి నదిలో కొట్టుకుపోయాయి. నదిలో అందరూ గల్లంతైనట్లు తెలుస్తోంది. ప్రాథమిక సమాచారం ప్రకారం రెండు బస్సుల్లో డ్రైవర్లతో సహా మొత్తం 63 మంది ప్రయాణిస్తున్నట్లు చిత్వాన్ చీఫ్ డిస్ట్రిక్ట్ ఆఫీసర్ ఇంద్రదేవ్ యాదవ్ తెలిపారు. ‘తెల్లవారుజామున 3:30 గంటల ప్రాంతంలో ప్రమాదం జరిగింది. మేము సంఘటనా స్థలంలో ఉన్నాము. సెర్చింగ్ ఆపరేషన్ జరుగుతోంది. ఎడతెరిపి లేకుండా కురుస్తున్న వర్షాల కారణంగా తప్పిపోయిన బస్సులను వెతకడంలో ఇబ్బందులు ఎదుర్కొంటున్నాం.’ అన్నారు. ప్రతికూల వాతావరణం కారణంగా ఈ రోజు ఖాట్మండు నుండి భరత్‌పూర్, చిత్వాన్‌కు అన్ని విమానాలు రద్దు చేయబడ్డాయి.
చదవండి:Viral Video : రెండు విమానాల్లో 159మంది ప్రాణాలు..గాలిలో తృటిలో తప్పిన పెను ప్రమాదం
స్థానిక యంత్రాంగం, సహాయక సిబ్బంది సంఘటనా స్థలంలో ఉన్నారని, సోదాలు కొనసాగుతున్నాయని జిల్లా మేజిస్ట్రేట్ తెలిపారు. ఎడతెరిపి లేకుండా కురుస్తున్న వర్షాల కారణంగా తప్పిపోయిన బస్సుల అన్వేషణలో అనేక సవాళ్లు ఎదురవుతున్నాయి. ఇదిలా ఉండగా, నారాయణగఢ్-ముగ్లిన్ రోడ్ సెక్షన్‌లో కొండచరియలు విరిగిపడటంతో దాదాపు ఐదు డజన్ల మంది ప్రయాణికులు గల్లంతయ్యారని, వరదలు, కొండచరియలు విరిగిపడటంతో ఆస్తులకు నష్టం వాటిల్లిందని నేపాల్ ప్రధాని పుష్ప కమల్ దహల్ ట్వీట్ చేశారు. ‘నేను చాలా విచారంగా ఉన్నాను. నేను హోం అడ్మినిస్ట్రేషన్‌తో సహా అన్ని ప్రభుత్వ ఏజెన్సీలకు ప్రయాణీకులను శోధించి, వారిని రక్షించమని ఆదేశిస్తున్నాను.’ అంటూ రాసుకొచ్చారు.
చదవండి:Drugs dealer: హైదరాబాద్‌లో పట్టుబడ్డ డ్రగ్స్ డీలర్.. లక్షల విలువ చేసే సరుకు స్వాధీనం
