India Bans Anti Cold Drug For Children Below 4 After Syrup hindi
రెండు దగ్గు సిరప్‌లతో ప్రపంచవ్యాప్తంగా దాదాపు 141 మంది పిల్లలు మరణించారు. ఈ నేపథ్యంలో డ్రగ్ కంట్రోలర్ జనరల్ ఆఫ్ ఇండియా (DCGI) నాలుగు సంవత్సరాల కంటే తక్కువ వయస్సు ఉన్న పిల్లలలో జలుబు నియంత్రణ మందులను నిషేధించింది. అంతేకాదు ఆ మందులకు లేబుల్ చేయడం తప్పనిసరి చేసింది. ఈ క్రమంలో DCGI అన్ని రాష్ట్రాలకు లేఖ పంపింది. క్లోర్ఫెనిరమైన్ మెలేట్, ఫినైల్ఫ్రైన్ అనే రెండు ఔషధాల కలయికను ఉపయోగించి తయారు చేసిన ఉత్పత్తుల ప్యాకేజీ ఇన్సర్ట్‌ను అప్‌డేట్ చేయాలని రాష్ట్రాలు, కేంద్ర పాలిత ప్రాంతాలను కూడా కోరింది.
ఈ క్రమంలో గ్లాక్సో స్మిత్‌క్లైన్ టి-మినిక్ ఓరల్ డ్రాప్స్, గ్లెన్‌మార్క్ అస్కోరిల్ ఫ్లూ సిరప్, ఐపిసిఎ లేబొరేటరీస్ సోల్విన్ కోల్డ్ సిరప్‌లను తయారు చేస్తున్న ఫార్మా సంస్థలకు హెచ్చరికలు జారీ చేశారు. CDSCO (సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్) డిసెంబర్ 18న విడుదల చేసిన నోటిఫికేషన్‌లో, DCGI హెడ్ రాజీవ్ సింగ్ రఘువంశీ అన్ని రాష్ట్రాలు, కేంద్ర పాలిత ప్రాంతాల (UT) డ్రగ్ కంట్రోలర్‌లకు క్లోర్ఫెనిరమైన్ మలేట్, ఫినైల్ఫ్రైన్ తయారీదారులు తప్పనిసరిగా నిర్ధారించుకోవాలని పేర్కొన్నారు. నాలుగు సంవత్సరాల కంటే తక్కువ వయస్సు ఉన్న శిశువులు, పిల్లలకు ఈ ఉత్పత్తులు ఉపయోగించరాదని తెలిపారు. అంతేకాదు ఆ హెచ్చరికను లేబుల్, ప్యాకేజీ ఇన్సర్ట్/డ్రగ్ ప్రమోషనల్ లిటరేచర్‌పై పేర్కొనాలని లేఖలో స్పష్టం చేశారు.
భారత అధికారుల ప్రకారం, 2019లో దేశంలో తయారు చేసిన దగ్గు సిరప్‌లను ఉపయోగించడం వల్ల కనీసం 12 మంది పిల్లలు మరణించారు. నలుగురు తీవ్రమైన వికలాంగాలుగా మారిపోయారు. అంతకుముందు జూన్‌లో ప్రభుత్వం అటువంటి 14 FDC ఔషధాలను నిషేధించింది. ఆ మందులకు చికిత్సాపరమైన సమర్థన లేదని పేర్కొంది. ఫిక్స్‌డ్ డోస్ కాంబినేషన్ అనేది కొన్ని ఫిక్స్‌డ్ డోసేజ్ కాంబినేషన్‌లో రెండు లేదా అంతకంటే ఎక్కువ ఔషధాల కలయిక. ఇది మొదటిసారి కలిపితే, అది కొత్త మందు నిర్వచనం కిందకు వస్తుంది.
స్థిర ఔషధ కలయికలో క్లోర్ఫెనిరమైన్ మెలేట్, ఫినైల్ఫ్రైన్ ఉంటాయి. సాధారణ జలుబు లక్షణాలకు చికిత్స చేయడానికి సిరప్‌లు లేదా టాబ్లెట్‌లలో తరచుగా ఉపయోగించే మందులు. ప్రపంచ ఆరోగ్య సంస్థ ఐదు సంవత్సరాల కంటే తక్కువ వయస్సు ఉన్న పిల్లలలో దగ్గు మరియు జలుబు లక్షణాల చికిత్స కోసం ఓవర్-ది-కౌంటర్ దగ్గు సిరప్‌లు లేదా మందులను ఉపయోగించమని సిఫారసు చేయలేదు.
క్లోర్ఫెనిరమైన్ అనేది అలెర్జీ, గవత జ్వరం మరియు సాధారణ జలుబు లక్షణాల నుండి ఉపశమనానికి ఉపయోగించే యాంటిహిస్టామైన్. ఈ లక్షణాలలో దద్దుర్లు, కళ్లలో నీరు కారడం, కళ్ల దురద, దగ్గు, ముక్కు కారడం, తుమ్ములు ఉంటాయి. సాధారణ జలుబు, ఫ్లూ, అలర్జీలు లేదా ఇతర శ్వాస సంబంధిత అనారోగ్యాల (సైనసిటిస్, బ్రోన్కైటిస్ వంటివి) కారణంగా మూసుకుపోయిన ముక్కు, సైనస్ మరియు చెవి లక్షణాల తాత్కాలిక ఉపశమనం వంటి అదే ప్రయోజనాల కోసం ఫెనైల్ఫ్రైన్ కూడా ఉపయోగపడుతుంది.
ఇది కూడా చూడండి: Corona Virus: కలకలం రేపుతున్న కరోనా కొత్త వేరియంట్
