TG: మాజీమంత్రి కేటీఆర్పై నకిరేకల్ ఎమ్మెల్యే వేముల వీరేశం సంచలన ఆరోపణలు చేశారు. ‘బతుకు మీద ఆశ లేదా?’ అని కేటీఆర్ తనను బెదిరించారని ఆరోపించారు. పార్టీ మారొద్దంటూ అప్పటి ఎస్ఐబీ చీఫ్ ప్రభాకర్ రావు సైతం టేబుల్పై తుపాకీ పెట్టి తనను బెదిరించినట్లు తెలిపారు. ఫోన్ ట్యాపింగ్ చేయించి తనను ఓడించాలని చూశారని అన్నారు. లగచర్ల ఘటనలోనూ కేటీఆర్ పాత్ర బయటపడిందని, వెంటనే అయన్ను అరెస్టు చేయాలని ప్రభుత్వాన్ని కోరారు.
