'Kalki' in 100 days dubbing starting
Kalki: నెక్స్ట్ పాన్ ఇండియా స్టార్ ప్రభాస్ నుంచి వస్తున్న పాన్ వరల్డ్ మూవీ కల్కి 2898 ఏడీ. నాగ్ అశ్విన్ దర్శకత్వంలో హాలీవుడ్ రేంజ్లో వస్తున్న ఈ చిత్రంపై అంచనాలు హై రేంజ్లో ఉన్నాయి. హాలీవుడ్ నుంచే ఈ సినిమా ప్రమోషన్స్ స్టార్ట్ చేశారు. అమెరికాలో గ్లింప్స్ రిలీజ్ చేసిన మేకర్స్.. టీజర్‌ను కూడా అక్కడే రిలీజ్ చేసి ప్రమోషన్స్‌కు కిక్ స్టార్ట్ ఇవ్వాలని చూస్తున్నారు. ఫిబ్రవరిలో కల్కి టీజర్ బయటికొచ్చే ఛాన్స్ ఉంది. ఇక మే 9వ తేదీన కల్కి 2898 ఏడీ థియేటర్లలోకి రానుంది. అంటే కల్కి విడుదలకు మరో వంద రోజులే ఉంది. దీంతో కౌంట్ డౌన్ స్టార్ట్ చేశారు ప్రభాస్ ఫ్యాన్స్. మరో 100 రోజుల్లో కల్కి మూవీ విడుదల కానుంది.. అంటూ సోషల్ మీడియాలో ట్రెండ్ చేస్తున్నారు. ఈ మూవీ కోసం ఎంతగానో ఎదురుచూస్తున్నామంటూ పోస్టులు పెడుతున్నారు.
చదవండి:Anushka Shetty: అనుష్క పెళ్లి? ఎవరితో తెలుసా?
అలాగే కల్కి డబ్బింగ్ వర్క్ కూడా స్టార్ట్ అయినట్టుగా సమాచారం. మరోవైపు ఇంగ్లీష్ భాషలో కూడా రిలీజ్‌కు ప్లాన్ చేస్తున్నారట. ఇక్కడి నుంచి కల్కి సందడి మొదలైందనే చెప్పాలి. మేకర్స్ కూడా ఫిబ్రవరి నుంచి కల్కి అప్డేట్స్ ఇవ్వడానికి రెడీ అవుతున్నారు. ఈ సినిమాలో ప్రభాస్ సరసన దీపిక పదుకొనే హీరోయిన్‌గా నటిస్తుండగా దిశా పటానీ, అమితాబ్ బచ్చన్ కీ రోల్ ప్లే చేస్తున్నారు. లోక నాయకుడు కమల్ హాసన్ విలన్‌గా నటిస్తున్నాడు. దర్శక ధీరుడు రాజమౌళి, న్యాచులర్ స్టార్ నాని, దుల్కర్ సల్మాన్ కూడా ఈ చిత్రంలో క్యామియో రోల్స్‌లో కనిపించనున్నారని తెలుస్తోంది. దీంతో కల్కి పై నెక్స్ట్ లెవల్ అంచనాలున్నాయి. ఈ సినిమా కోసం కొత్త ప్రపంచాన్నే సృష్టించాడు దర్శకుడు నాగ్ అశ్విన్. సుమారు 600 కోట్ల బడ్జెట్‍తో వైజయంతీ మూవీస్ పతాకంపై అశ్వినీదత్ ఈ చిత్రాన్ని నిర్మిస్తున్నారు.
చదవండి:Ram Charan: శంకర్ రెక్‌లెస్ ఫిల్మ్ మేకర్.. మండిపోతున్న మెగా ఫ్యాన్స్!
