ప్రకాశం: బేస్తవారిపేట మండలం జేబీకేపురం గ్రామానికి చెందిన మాజీ ఆర్మీ ఉద్యోగి కంచర్ల రామయ్య అనారోగ్యంతో ఆదివారం మృతి చెందారు. కొద్దిరోజులుగా అనారోగ్యంతో బాధపడుతున్న రామయ్యకు హైదరాబాదులోని ఓ ప్రైవేట్ వైద్యశాలలో వైద్యం అందిస్తున్నారు. ఆరోగ్యం క్షీణించడంతో ఆయన మృతి చెందినట్లు కుటుంబ సభ్యులు తెలిపారు. ఆయన అంత్యక్రియలు సోమవారం స్వగ్రామంలో జరుగుతాయని వెల్లడించారు.
