Kalki 2898 AD: 'Kalki' laughs when asking for records!
Kalki 2898 AD: కల్కి సినిమాకు సరిగ్గా ప్రమోషన్స్ చేయలేదు. అలా అని హాలీడేస్‌లో రిలీజ్ చేయలేదు. మిడ్‌ వీక్‌లో గురువారం రోజు రిలీజ్ చేశారు. పైగా T20 ఇండియా వర్సెస్ ఇంగ్లాండ్ సెమీ-ఫైనల్ మ్యాచ్ ఉంది. మరోవైపు వర్షం. అయితే ఏంటి? అక్కడుంది ప్రభాస్. ఆయన సినిమా రిలీజ్ అవుతుందంటేనే ఒక పండగ. అందుకే.. ఇవేవి కల్కి సినిమాకు అడ్డు రాలేదు. అడ్వాన్స్ బుకింగ్స్‌తోనే సెన్సేషన్ క్రియేట్ చేసిన కల్కి.. ఊహించినట్టుగానే డే వన్ అదరగొట్టేసింది.
ఇది కూడా చూడండి: Online Scam : ఆన్‌లైన్ స్కామ్‌లో ప్రమేయం.. 60 మంది భారతీయులు శ్రీలంకలో అరెస్ట్
ఖచ్చితంగా 200 కోట్ల మార్క్ టచ్‌ చేస్తుందని అనుకున్నారు. కానీ ప్రపంచ వ్యాప్తంగా 191.5 కోట్లకు పైగా గ్రాస్ వసూళ్లు రాబట్టినట్టుగా అధికారికంగా ప్రకటించారు మేకర్స్. కానీ మేము రికార్డ్స్ కోసం ఈ సినిమా చేయలేదని చెప్పుకొచ్చింది స్వప్నదత్. ఈ సినిమాను వైజయంతీ మూవీస్ బ్యానర్లో అశ్వినిదత్ నిర్మించిన సంగతి తెలిసిందే. అయితే.. ఆయన ఇద్దరు కూతుళ్లు ప్రియాంక దత్, స్వప్న దత్.. అన్ని తామై ముందుండి కల్కి సినిమాను నడిపించారు, నిర్మించారు. సినిమా ప్రమోషన్లలో కూడా వీరిద్దరూ పాల్గొన్నారు. అయితే.. కొందరు వాళ్లను కల్కి కలెక్షన్స్, రికార్డ్స్ గురించి అడుగుతున్నారట.
ఇది కూడా చూడండి: Murder: టీ పెట్టలేదని కోడలిని చంపిన అత్త
అందుకే.. స్వప్న దత్ సోషల్ మీడియాలో ఓ పోస్ట్ పెట్టింది. ‘నాకు ఆశ్చర్యంగా అనిపిస్తోంది. చాలామంది కాల్ చేసి రికార్డులను క్రాస్ చేశామా? అని అడుగుతున్నారు. కానీ నాకు నవ్వొస్తుంది. ఎందుకంటే ఆ రికార్డులు సృష్టించిన వాళ్లెవరూ ఆ రికార్డుల కోసం సినిమాలు తీయరు. ప్రేక్షకుల కోసం, సినిమా మీద ప్రేమతో సినిమాలు తీస్తారు. మేము కూడా అలాగే తీసాం’.. అని పోస్ట్ చేసింది. ఏదేమైనా.. కల్కి సినిమా అదిరిందని అంటున్నారు ఆడియెన్స్.
