us elections : ప్రస్తుత అమెరికా అధ్యక్షుడు జో బైడెన్‌ ఎన్నికల రేసు నుంచి తప్పుకోనున్నారనే వార్తలు ఇప్పుడు హల్‌చల్‌ చేస్తున్నాయి. వృద్ధాప్య సమస్యలతో ఇబ్బందులు పడుతున్న బైడెన్‌కు తాజాగా కరోనా సైతం వచ్చింది. దీంతో ఇప్పుడాయన డెలావర్‌లోని తన ఇంట్లో క్వారంటైన్‌లో ఉన్నారు. ఈ నేపథ్యంలో నవంబర్‌లో జరిగే అధ్యక్ష ఎన్నికల రేసు నుంచి తాను తప్పుకోవాలా? లేదా? అనే విషయంలో ఆయన ఆత్మ పరిశీలనలో పడ్డారు. ఒక వేళ ఆయన తప్పుకొన్నట్లైతే ఉపాధ్యక్షురాలైన కమలా హారిస్‌కు డెమాక్రాట్లు నామినేషన్‌ ఇవ్వాలని భావిస్తున్నారు.
చదవండి : పట్టాలు తప్పిన ఎక్స్‌ప్రెస్‌ రైలు.. నలుగురు మృతి
జో బైడెన్‌కు మిగిలిన సమస్యలన్నీ ఒక ఎత్తయితే సొంత పార్టీ నుంచే వ్యతిరేకత ఎదురవుతోంది. ఆయనను అభ్యర్థిగా తప్పుకోవాలంటే పార్టీలోని కీలక నాయకులే డిమాండ్‌ చేస్తున్నారు. ఈ మధ్య కాలంలో బరాక్‌ ఒబామా సైతం ఇదే అభిప్రాయాన్ని వ్యక్తం చేశారు. ఆయన అభ్యర్థిత్వంపై ఆందోళన వ్యక్తం చేశారు. ఈ నేపథ్యంలో బైడెన్‌పై ఇంకా ఒత్తిడి పెరిగింది. ఈ వారాంతంలోపే ఈ విషయంపై బైడెన్‌ కీలక ప్రకటన చేస్తారని తెలుస్తోంది. దీనిపై అమెరికన్‌ మీడియాలో ప్రస్తుతం పలు వార్తలు హల్‌చల్‌ చేస్తున్నాయి. కమలాహారిస్‌ ఇప్పటికే పోటీ కోసం సంసిద్ధం అవుతున్నారని సమాచారం. ఏదేమైనా తొందరలోనే ఈ విషయంపై స్పష్టత వచ్చే అవకాశం ఉంది. ఈ ఏడాది నవంబర్‌ 4న అమెరికా అధ్యక్ష పదవి కోసం ఎన్నికలు జరుగుతాయి.
చదవండి : తన విజయం పక్కా అంటున్న డొనాల్డ్‌ ట్రంప్‌
