చంద్రయాన్3 (Chandrayaan 3) సక్సెస్‌తో భారత అంతరిక్ష పరిశోధనా సంస్థ మరిన్ని ప్రయోగాలు చేసేందుకు సిద్ధమైంది. ఆ జోష్ లోనే సూర్యుని వద్ద పరిశోధనలు చేసేందుకు ఆదిత్య ఎల్1 మిషన్ (Aditya L1 Mission)ను ప్రయోగించిన సంగతి తెలిసిందే. ప్రస్తుతం ఆ మిషన్ విలువైన సమాచారాన్ని అందించినట్లు ఇస్రో తెలిపింది. ఆదిత్య ఎల్1 మిషన్ సూర్యుని వద్ద సౌర గాలులను స్టడీ చేయడం ప్రారంభించింది. ప్రస్తుతం ఆ స్టడీకి చెందిన నివేదికి ఇస్రో (ISRO) విడుదల చేసింది.
ఇస్రో షేర్ చేసిన ఫోటోలు:
Aditya-L1 Mission:
The Solar Wind Ion Spectrometer (SWIS), the second instrument in the Aditya Solar wind Particle Experiment (ASPEX) payload is operational.
The histogram illustrates the energy variations in proton and alpha particle counts captured by SWIS over 2-days.… pic.twitter.com/I5BRBgeYY5
— ISRO (@isro) December 2, 2023
సోలార్ పేలోడ్ (Solar Payload) తన ఆపరేషన్‌ను వేగవంతం చేసినట్లు ఇస్రో తెలిపింది. విండ్ పార్టికల్ ఎక్స్‌పెరిమెంట్‌లో రెండు పరికరాలు ఉన్నాయని, అందులో సోలార్ విండ్ ఐయాన్ స్పెక్ట్రోమీటర్, సూప్రా థర్మల్ అండ్ ఎనర్జిటిక్ పార్టికల్ స్పెక్ట్రోమీటర్ వంటివి ఉన్నాయి. సూప్రా థర్మల్ పరికరం సెప్టెంబర్ 10వ తేది నుంచి యాక్షన్‌లో ఉందని, ఇకపోతే ఐయాన్ స్పెక్ట్రోమీటర్ శనివారం నుంచి తన పనిని ప్రారంభించినట్లుగా ఇస్రో (ISRO) తెలిపింది.
చదవండి: 70 Years OLd Woman: కవలలకు జన్మనిచ్చిన 70 ఏళ్ల వృద్ధురాలు..తల్లీ బిడ్డలు క్షేమం!
స్పెక్ట్రోమీటర్ పనితీరు బావుందని, ఆదిత్య ఎల్1 మిషన్ మొదటిసారిగా సౌర గాలులను ఫోటో తీసిందని ఇస్రో వెల్లడించింది. ఆ ఫోటోలను సోషల్ మీడియాలో షేర్ చేసింది. ప్రోటాన్, ఆల్ఫా పార్టికల్స్‌లో ఉన్న ఎనర్జీ తేడాలను సూచిస్తూ ఉన్న ఫోటోలను ఇస్రో విడుదల చేసింది. సౌర గాలుల మధ్య రెండు రోజుల్లో తేడా ఉన్నట్లుగా ఆదిత్య శాటిలైట్ (Aditya Satellite) గుర్తించింది. ఈ పరిశోధన రాబోవు ప్రయోగాలకు మరింత సహాయపడనున్నట్లు ఇస్రో వెల్లడించింది.
