హైదరాబాద్ లోని ఎల్బీనగర్ (LB Nagar) లో సంఘవిపై ప్రేమోన్మాది శివకుమార్ (Sivakumar) దాడికి సంబంధించి కీలక విషయాలు వెలుగు చూశాయి. టెన్త్ వరుకు సంఘావి, శివ ఒకే స్కూల్లో చదువుకున్నారని డిగ్రీ పూర్తయ్యాక సినిమాలపై ఇంట్రెస్ట్‌తో హైదరాబాద్ శివ తిరిగినట్లు తేలింది తండ్రి మందలించగా మూడేళ్ల క్రితం సుత్తితో కొట్టి హత్య (Murder) చేశాడు. ఈ విషయాన్ని గ్రామస్తులు కప్పిపుచ్చారు. తాజాగా పృథ్వి హత్య నేపథ్యంలో పోలీసులు సమగ్ర విచారణ జరుపుతున్నారు. శివకుమార్ గతంలో చేసిన నేరాలకు సంబంధించిన వివరాలను కూపీ లాగుతున్నారు.రంగారెడ్డి జిల్లా నేరెళ్లచెరువు (Erellacheruvu) గ్రామానికి చెందిన శివకుమార్ ఆదివారం దారుణానికి తెగబడ్డాడు. తన ప్రేమను అంగీకరించలేదని క్లాస్ మేట్ సంఘవిపై దాడికి యత్నించాడు.
చదవండి : Odisha : 2 గంటల్లో అల్లాడించిన 61 వేల పిడుగులు .. వణికిపోయిన ఒడిశా వాసులు
అడ్డుకున్న సంఘవి సోదరుడు పృథ్వీని కత్తితో పొడిచి చంపాడు. ఆదివారం మధ్యాహ్నం ఎల్బీనగర్ పరిధిలోని ఆర్టీసీ కాలనీలో ఈ దారుణం జరిగింది. జిల్లాలోని ఫరూక్ నగర్ (Farooq Nagar) మండలం నేరెళ్లచెరువు గ్రామానికి చెందిన శివకుమార్.. షాద్ నగర్ లోని స్కూల్ లో తనతో పాటు చదువుకున్న సంఘవి(Sanghavi)ని ప్రేమించాడు. అప్పటి నుంచే సంఘవిని వేధిస్తున్నాడు.పదో తరగతి తర్వాత సంఘవి కుటుంబం హైదరాబాద్ లోని ఎల్బీనగర్ లోని అద్దె ఇంట్లోకి మారింది. రామాంతపూర్ లోని హోమియో కాలేజీలో సంఘవి నాలుగో సంవత్సరం చదువుతుండగా.. ఆమె సోదరుడు పృథ్వీ ఇంజనీరింగ్ పూర్తిచేసి ఉద్యోగ ప్రయత్నాల్లో ఉన్నాడు. శివకుమార్ డిగ్రీ పూర్తి చేసి రామాంతపూర్ లో ఉంటున్నాడు. ఇటీవల సంఘవిని కలిసి మరోమారు తన ప్రేమ (Love) విషయం చెప్పగా.. సంఘవి మందలించినట్లు సమాచారం. దీంతో పగబట్టిన శివకుమార్.. ఆదివారం ఆర్టీసీ కాలనీలోని సంఘవి ఇంటికి వెళ్లి కత్తితో దాడి చేశాడు.
చదవండి : Chandramukhi 2: ట్రైండింగ్లో దూసుకెళ్తున్న చంద్రముఖి 2 ట్రైలర్ చుశారా?
