Ambati Rambabu Fires On Janasena Chief Pawan Kalyan
Ambati Rambabu: ఏపీలో పాలిటిక్స్ హీటెక్కుతున్నాయి. వైసీపీ, జనసేన నేతల మధ్య మాటల యుద్దం తీవ్రస్థాయికి చేరింది. పవన్ కల్యాణ్ (Pawan Kalyan) వారాహిలో యాత్ర చేస్తూ.. వైసీపీ నేతలు, మంత్రులను టార్గెట్ చేస్తున్నారు. అదే స్థాయిలో అధికార పార్టీ నుంచి రియాక్షన్స్ వస్తున్నాయి. తాజాగా వైసీపీ నేతలను గుడ్డలూడదీసి కొడతానని పవన్ (Pawan) హాట్ కామెంట్స్ చేశారు.
చదవండి: YS Sharmila: గల్లీలో సిగపట్లు, ఢిల్లీలో కౌగిలింతలు, బీజేపీ-బీఆర్‌ఎస్‌పై షర్మిల నిప్పులు
ఏ క్రిమినల్స్ అయితే జనాలను ఏడిపించారో.. వారిని బట్టలూడదీసి కొడతాం అని పవన్ కల్యాణ్ (Pawan Kalyan) కామెంట్స్ చేశారు. ఆ వ్యాఖ్యలపై మంత్రి అంబటి రాంబాబు (Ambati Rambabu) స్పందించారు. వారాహిపై వస్తోన్న పవన్ కల్యాణ్ (Pawan Kalyan) ఊగిపోతున్నారని మండిపడ్డారు. మొన్న చెప్పుతో కొడతానని అన్నాడు. వైసీపీ నేతలు రౌడీలం అంటారు. ఇప్పుడు రోడ్డు మీద గుడ్డలూడదీసి కొడతాడంట. కొట్టించుకోవడానికి తేరగా ఉన్నాం.. రమ్మనండి, ఇదేమైనా సినిమా అనుకున్నాడా అని అంబటి రాంబాబు (Ambati Rambabu) ధ్వజమెత్తారు.
పవన్ కల్యాణ్ (Pawan Kalyan) అదుపుతప్పి మాట్లాడుతున్నాడు. అవగాహన లేదు, పరిపక్వత లేదు. రాజకీయాలంటే తెలియదు.. రాజకీయాలను సినిమా షూటింగ్ అనుకునే పరిస్థితిలో ఉన్నారు. రాజకీయం అంటే ఏంటో ఆయనకు తెలియదని మంత్రి అంబటి రాంబాబు (Ambati Rambabu) విమర్శించారు.
