ఈరోజు హైదరాబాద్(hyderabad) దేవి థియేటర్లో(devi theatre) బీజేపీ రాష్ట్ర అధ్యక్షులు, కరీంనగర్ ఎంపీ బండి సంజయ్(bandi sanjay) బలగం(balagam) సినిమాను వీక్షించారు. పలువురు కార్యకర్తలతో కలిసి థియేటర్ వెళ్లి స్వయంగా సినిమాను చూశారు. ఈ సందర్భంగా బండి సంజయ్ కి థియేటర్ యాజమాన్యం స్వాగతం పలికింది. ఈ క్రమంలో వారికి ప్రత్యేక సీట్లను కేటాయించినట్లు తెలుస్తోంది.
హైదరాబాద్ – దేవి థియేటర్లో "బలగం" సినిమా చూస్తున్న బీజేపీ రాష్ట్ర అధ్యక్షులు, ఎంపీ బండి సంజయ్ pic.twitter.com/a2iElVLKq2
— Telugu Scribe (@TeluguScribe) April 10, 2023
అంతేకాదు గతంలో దూరంగా ఉన్న కుటుంబ సభ్యులు ఈ చిత్రం చూసిన తర్వాత ఏకమైన సందర్భాలు కూడా ఇటీవల వెలుగులోకి వచ్చాయి. అందుకే అనేక ప్రజలంతా పంచాయతీలలో గ్రామం నడిబొడ్డున ఈ సినిమాను బహిరంగ ప్రదర్శన వేస్తున్నారు. ఇంకా కొందరు సర్పంచ్ లు (Sarpanch) ప్రత్యేకంగా ఈ సినిమా ప్రదర్శన చేస్తున్నారు. వేణు యెల్దండి (Venu Yeldandi) దర్శకత్వం వహించిన బలగం సినిమా (Balagam Movie) ఇంటిల్లిపాదిని అలరిస్తున్నది. అనుబంధాలను పంచే ఈ చిత్రం విడిపోయిన కుటుంబాలను కలిపివేస్తోంది. కుటుంబ అనుబంధాలపై బలగం సినిమా తీవ్ర ప్రభావం చూపుతోంది. విడిపోయిన కుటుంబాలు కలుస్తున్నాయి. కుటుంబాల్లో ఆనందాలు వెల్లివిరుస్తున్నాయి.
కుటుంబ పెద్ద చనిపోయాక ఏర్పడిన పరిస్థితుల చుట్టూ కథను నడిపించారు బలగం సినిమాలో ప్రత్యేకంగా చూపించారు. తెలంగాణ సంస్కృతి, సంప్రదాయాల నేపథ్యంలో ఈ సినిమా ఉంటుంది. రక్త సంబంధాలు, బంధుత్వ విలువలను కళ్లకు కట్టినట్లు చూపించారు. ప్రియదర్శి, కావ్య కళ్యాణ్ రామ్, సుధాకర్ రెడ్డి, రూపా లక్ష్మి తదితరులు ఈ సినిమాలో ముఖ్య పాత్రల్లో నడించారు. దిల్ రాజు ప్రొడక్షన్ పైన దిల్ రాజు కూతురు, అల్లుడు హన్షిత, హర్షిత్ దీనిని నిర్మించారు. ఈ సినిమా అమెజాన్ ప్రైమ్ లో అందుబాటులో ఉంది.
మరోవైపు ఈ సినిమా పలు అంతర్జాతీయ అవార్డులు (international award for balagam) అందుకుంది. ఇంటర్నేషనల్ అవార్డ్స్-ఆమ్‌స్టర్‌డామ్ కార్యక్రమంలో మరో అవార్డును సొంతం చేసుకున్నది. ఉత్తమ దర్శకుడి విభాగంలో వేణు యెల్దండి (venu yeldandi) దీనిని అందుకున్నారు. యూకే, అమెరికా, చైనా దేశాలకు చెందిన దిగ్గజ దర్శకులను వెనక్కి నెట్టి వేణు ఈ అవార్డును దక్కించుకున్నారు. ఇప్పటికే ఈ సినిమా వాషింగ్టన్ డీసీ ఇంటర్నేషనల్ సినిమా ఫెస్టివెల్, ఒనికో ఫిల్మ్ అవార్డు తదితర అంతర్జాతీయ అవార్డులను దక్కించుకున్నది. తాజా అవార్డుతో బలగంకు ఇప్పటి వరకు తొమ్మిది అవార్డులు వచ్చాయి.
చదవండి: OnePlus Nord CE 3 Lite 5G…20 వేలలోపు బెస్ట్ 5జీ ఫోన్!
