ప్రస్తుతం పవర్ స్టార్ పవన్ కళ్యాణ్ ‘హరిహర వీరమల్లు’ సినిమా చేస్తున్న సంగతి తెలిసిందే. క్రిష్ దర్శకత్వంలో తెరకెక్కుతున్న ఈ సినిమా.. పవన్‌కు ఫస్ట్ పాన్ ఇండియా ఫిల్మ్ కానుంది. అందుకే భారీ బడ్జెట్‌తో ఎంతో ప్రతిష్టాత్మకంగా తెరకెక్కిస్తున్నారు. కానీ షూటింగ్ మాత్రం కంప్లీట్ అవడం లేదు. అసలు ఈ సినిమాకు ఎప్పుడు గుమ్మడికాయ కొడతారో మేకర్స్‌కు కూడా తెలియడం లేదు. కానీ పవన్ మాత్రం వరుస ప్రాజెక్ట్స్ అనౌన్స్మెంట్స్ ఇస్తునే ఉన్నారు. వాటిలో హరీష్ శంకర్ ప్రాజెక్ట్ కూడా ఉంది. పవన్ డేట్స్ కోసం చాలా కాలంగా వెయిట్ చేస్తున్నాడు హరీష్ శంకర్. అయితే అప్పుడెప్పుడో భవధీయుడు భగత్ సింగ్ అంటూ ప్రకటించి.. ఇటీవల ఉస్తాద్ భగత్ సింగ్‌గా టైటిల్ మార్చారు. ఒక్క టైటిలే కాదు.. ఈ సినిమా కథ కూడా మారింది. ఈ సినిమా తమిళ్ హిట్ మూవీ తేరీ రీమేక్‌గా.. భారీ మార్పులతో రాబోతోంది. అయితే ఈ సినిమా హీరోయిన్ విషయంలో క్లారిటీ రావడం లేదు. ముందుగా భవధీయుడు భగత్ సింగ్‌లో బుట్టబొమ్మ పూజా హెగ్డేను హీరోయిన్‌గా అనుకున్నారు. దాంతో ఉస్తాద్‌లోను ఈ బ్యూటీనే తీసుకోబోతున్నట్టు తెలుస్తోంది. మధ్యలో అమ్మడు అవుట్ అయిందని వినిపించినా.. తాజాగా బుట్టబొమ్మ ఫైనల్ అయినట్టేనని టాక్. రీసెంట్‌గా హరీష్ శంకర్, పూజా హెగ్డేని కలిసి కథ గురించి చర్చించినట్లు సమాచారం. పూజా కూడా పవన్‌తో రొమాన్స్ చేసేందుకు ఓకే చెప్పిందట. త్వరలోనే దీని పై క్లారిటీ రానుందని అంటున్నారు. ఇక ఈ సినిమా షూటింగ్‌ను సమ్మర్‌లో స్టార్ట్ చేసే ఛాన్స్ ఉంది. ఆ తర్వాత సుజీత్‌ ‘ఓజి’ సెట్స్ పైకి వెళ్లనుంది. అయితే మధ్యలో వినోదయ సీతమ్ షూటింగ్ కూడా ఉండనుంది. వచ్చే ఎలక్షన్ లోపు పవన్ ఈ సినిమాలను కంప్లీట్ చేయాలని చూస్తున్నాడు.
