Horoscope Today: Today's horoscope (2024 July 22nd).. Ishtadevata Naamsmarana is auspicious
మేషం
ప్రయత్నాలు ఫలిస్తాయి. మానసికంగా ద్రుఢంగా ఉంటారు. బుద్ధిబలంతో సమస్యల నుంచి బయటపడగలుగుతారు. ఇష్టదేవతా నామస్మరణ శుభప్రదం.
వృషభం
మొదలుపెట్టే పనులను విజయవంతంగా పూర్తిచేస్తారు. ఇష్టులతో గడుపుతారు. కీలకమైన వ్యవహారాలు దైవబలంతో పూర్తవుతాయి. చంచల బుద్ధివల్ల ఇబ్బందులు రాకుండా చూసుకోవాలి. గురు ఆరాధన శుభప్రదం.
మిథునం
మిశ్రమకాలం. ఇబ్బందిపెడుతున్న సమస్యలను నిర్లక్ష్యం చేయకండి. శత్రువుల విషయంలో ఆచితూచి అడుగు వేయాలి. మనోబలం తగ్గకుండా చూసుకోవాలి. విష్ణువుని ఆరాధించాలి.
కర్కాటకం
ఒక వ్యవహారంలో మీకు పెద్దల ఆశీస్సులు లభిస్తాయి. ఒక శుభవార్త మీకు మానసిక ప్రశాంతతను కలిగిస్తుంది. ఒక వ్యవహారంలో మీ పనితీరును అధికారులు మెచ్చుకుంటారు. బంధువులనుంచి అనుకూలత ఉంది. హనుమాన్ చాలీసా పఠించడం వలన మంచి ఫలితాలు పొందగలుగుతారు.
సింహం
ఒక ముఖ్యమైన సమస్య పరిష్కారమవుతుంది. సమయానికి సహాయం చేసేవారున్నారు. కీలక వ్యవహారాల్లో మేలైన ఫలితాలుంటాయి. లక్ష్మీధ్యానం మరింత ఉత్సాహాన్నిస్తుంది.
కన్య
ఏ నిర్ణయం తీసుకున్నా బంధుమిత్రులను సంప్రదించకుండా తీసుకోవద్దు. తొందరపాటుతో వ్యవహరిస్తే సమస్యలు తప్పవు. శ్రమ పెరగకుండా చూసుకోవాలి. ధనవ్యయ సూచితం. నవగ్రహ ధ్యానశ్లోకాలు చదవండి.
తుల
చేపట్టిన పనులలో సానుకూల ఫలితాలు లభిస్తాయి. విందు వినోద కార్యక్రమాలలో పాల్గొంటారు. నూతన వస్తువులు కొంటారు. అధికారులు మీ అభివృద్ధికి దోహదపడే ఒక కీలక నిర్ణయాన్ని తీసుకుంటారు. ఇష్టదైవారాధన మేలుచేస్తుంది.
వృశ్చికం
మనోబలంతో చేసే పనులు ఫలిస్తాయి. ఒక వ్యవహారంలో ధనం చేతికి అందుతుంది. చేపట్టే పనిలో విఘ్నం కలుగకుండా చూసుకోవాలి. భవిష్యత్ ప్రణాళికలు కొన్ని అమలు చేస్తారు. తోటివారిని కలుపుకొని పోవాలి. చంద్ర ధ్యానం శుభప్రదం.
ధనుస్సు
వృత్తి, ఉద్యోగ, వ్యాపారాది రంగాలలో శ్రమపెరుగకుండా చూసుకోవాలి. ప్రణాళికాబద్దంగా వెళ్లకపోవడం వలన కొన్ని సమస్యలు ఎదురవుతాయి. అనారోగ్య సమస్యలు ఇబ్బంది పెడతాయి. కొన్ని సమయాల్లో అస్థిర బుద్ధితో వ్యవహరిస్తారు. నవగ్రహ ధ్యానం శుభప్రదం.
మకరం
అనుకున్నది సాధిస్తారు. బంధుమిత్రులతో ఆనందంగా గడుపుతారు. కుటుంబ సభ్యులకు మంచి జరుగుతుంది. గొప్పవారితో పరిచయాలు ఏర్పడతాయి. ఇష్టులతో కాలాన్ని గడుపుతారు. ఇష్టదైవ ప్రార్థన వల్ల మేలు జరుగుతుంది.
కుంభం
మధ్యమ ఫలితాలున్నాయి. ధనవ్యయం జరిగే సూచనలు ఉన్నాయి. కొన్ని పరిస్థితులు బాధకలిగిస్తాయి. ఎవ్వరినీ అతిగా నమ్మడం మంచిది కాదు. సూర్య నమస్కారం ఆత్మశక్తిని పెంచుతుంది.
మీనం
వృత్తి, ఉద్యోగ, వ్యాపారాలలో ప్రోత్సాహకరమైన వాతావరణం ఉంటుంది. అనుకూలమైన సమయం. మీమీ రంగాల్లో అభివృద్ధి ఉంది. విందు వినోద కార్యక్రమాలలో పాల్గొంటారు. ఎట్టిపరిస్థితుల్లోనూ దైవారాధన మానవద్దు.
