Singareni Job Notification: తెలంగాణలో ఉద్యోగార్థులకు శుభవార్త విడుదలైంది. సింగరేణిలో ఖాళీగా ఉన్న 485 పోస్టుల భర్తీకి గురువారం నోటిఫికేషన్‌ విడుదల కానుంది. ఈ విషయాన్ని సింగరేణి సంస్థ సీఎండీ బుధవారం వెల్లడించారు. సింగరేణిలో 317 డైరెక్ట్‌, 168 ఇంటర్నల్‌ పోస్టులకు ఈ నోటిఫికేషన్‌ విడుదల చేయనున్నట్లు ఆయన తెలిపారు. దీంతో ఉద్యోగార్థుల్లో ఉత్సాహం నెలకొంది.
చదవండి : మేడారం జాతరకి రానున్న సీఎం, గవర్నర్లు
తెలంగాణ రాష్ట్ర డిప్యూటీ సీఎం భట్టి విక్రామార్క ఈ విషయమై సీఎండీతో బుధవారం సమీక్ష నిర్వహించారు. సింగరేణి అభివృద్ధి, సమస్యల పరిష్కారం, సంక్షేమం దిశగా ఈ చర్చలు సాగాయి. 2024 సంవత్సరంలో సింగరేణిలో మొత్తం వెయ్య వారసత్వ ఉద్యోగాలు ఇవ్వాలని ఆయన అన్నారు. అలాగే ఈ ఉద్యోగానికి వయో పరిమితి 40 ఏళ్లకు పెంచాలని సూచించారు.
చదవండి : ఘనంగా జరిగిన రకుల్‌ ప్రీత్‌ సింగ్‌ వివాహం
ఈ సమీక్ష సమావేశంలో భాగంగా భట్టి విక్రమార్క మాట్లాడుతూ థర్మల్‌ విద్యుత్‌ కేంద్రాలకు బొగ్గు కొరత లేకుండా చూడాలని చెప్పారు. వేసవి కాలంలో బొగ్గు కొరత ఏ మాత్రం రాకుండా చూసుకోవాలని సూచించారు. అలాగే హైదరాబాద్‌లో సింగరేణి అతిథి గృహం నిర్మాణానికి భూమి పూజ చేయనున్నట్లు ప్రకటించారు. ఈ సమీక్ష అనంతరం ఉద్యోగాలను భర్తీ చేయడానికి సంస్థ నోటిఫికేషన్‌ విడుదల చేయనున్నట్లు వెల్లడించింది.
