RGV: మీరు కుళ్లుతో చచ్చిపోతే, ఇంకో రెండు పెగ్గులేస్తా.. పబ్బులో అమ్మాయితో RGV రచ్చ

RGV: అసలు వర్మ ఎప్పుడేం చేస్తాడో ఎవరికీ అర్థం కాదు. ఏం చేసినా అందులో కాంట్రవర్శీ ఉండాలి. లేకుంటే వర్మకు నిద్ర పట్టనే పట్టదు. అందుకే గత కొన్నాళ్లుగా కాంట్రవర్సీతోనే కాపురం చేస్తున్నాడు వర్మ. సినిమాల కంటే వివాదాలతోనే ఎక్కువగా బండి లాగిస్తున్నాడు వివదాల రామ్ గోపాల్ వర్మ. అలాగే అప్పుడప్పుడు చిత్ర విచిత్రంగా చిందులేస్తు ఎంటర్టైన్ చేస్తుంటాడు. వొడ్కా విత్ రామ్ అంటూ చేసే ఇంటర్య్వూలు మామూలుగా ఉండవు. ఇక కొత్త హీరోయిన్లను పట్టడంలో వర్మ తర్వాతే ఎవ్వరైనా. హీరోయిన్ల విషయంలో వర్మ టేస్టే వేరు.

ఇప్పటి వరకు వర్మ ఎంతోమంది ముద్దుగుమ్మలను ఇండస్ట్రీకి పరిచయం చేశాడు. అయితే ఇప్పుడు సోషల్ మీడియా పుణ్యమా అని.. ఇన్‌స్టాలో ఎవ్వరైనా అమ్మాయి నచ్చితే చాలు.. ఎవరా పిల్లా? ఏం చేస్తుంది? సినిమాల్లో ఇంట్రెస్ట్ ఉందా? అని ఆరా తీస్తున్నాడు. రీసెంట్‌గా ఓ మళయాళి బ్యూటీ వర్మ కళ్లలో పడింది. ఆమె పేరు ‘శ్రీలక్ష్మి సతీష్’. ఆమెతోనే ఇప్పుడు చీర అనే సినిమా కూడా చేస్తున్నాడు. హీరోయిన్ల విషయం ఇలా ఉంటే.. పబ్బుల్లో అమ్మాయిలతో వర్మ చేసే రచ్చ అంతా ఇంతా కాదు. లేటెస్ట్‌గా చేతిలో మందు గ్లాస్‌తో ఓ అందమైన అమ్మాయితో సెల్ఫీ దిగి సోషల్ మీడియాలో షేర్ చేశాడు.

ఆర్జీవీ పక్కన ఉన్న ఈ అమ్మాయి సిరి స్టేజీ. గతంలో ఆర్జీవిని హగ్ చేసుకొని.. ఇక స్నానం చేయనని చెప్పిన ఈ బ్యూటీ అర్జీవిని బోల్డ్‌గా ఇంటర్వ్యూ చేసి బాగా పాపులర్ అయింది. ఈ ఇద్దరు పబ్‌లో ఎంజాయ్ చేసిన లేటెస్ట్‌ ఫోటోలను షేర్ చేసుకున్నారు. ఈ సందర్భంగా.. చీర్స్, మీరు కుళ్లుతో చచ్చిపోతే ఇంకో రెండు పెగ్గులేస్తా.. అని రాసుకొచ్చాడు ఆర్జీవి. ప్రస్తుతం ఈ ఫోటోలు సోషల్ మీడియాలో తెగ వైరల్ అవుతున్నాయి.