Who Is Pawan Kalyan, Minister Gangula Kamalakar Asked
Minister Gangula Kamalakar: తెలంగాణ రాష్ట్రంలో ఎన్నికల ప్రచారం హోరెత్తింది. నేతల మధ్య మాటల యుద్ధం తీవ్రస్థాయికి చేరింది. కరీంనగర్‌లో మంత్రి, బీఆర్ఎస్ అభ్యర్థి గంగుల కమలాకర్ (Gangula Kamalakar) జోరుగా ప్రచారం చేస్తున్నారు. బీజేపీ అభ్యర్థి బండి సంజయ్ మరోసారి తన చేతిలో ఓడిపోతారని చెప్పారు.
చదవండి: CM KCRకు రేవంత్ ఛాలెంజ్.. అలా ఓట్లు అడుగుదామా అంటూ సవాల్
బీజేపీ- జనసేన కలిసి తెలంగాణలో పోటీ చేస్తున్నాయి. హైదరాబాద్‌‌లో జనసేనకు సీట్లు కేటాయించారు. ఈ నెల 26వ తేదీన పవన్ కల్యాణ్ ప్రచారం నిర్వహిస్తారు. గంగుల కమలాకర్ స్పందించారు. అసలు పవన్ కల్యాణ్ ఎవరు..? ఎక్కడి నుంచి వస్తున్నారని ధ్వజమెత్తారు.
తెలంగాణ రాష్ట్రానికి రూపాయి ఇవ్వనని చెప్పిన మాజీ సీఎం కిరణ్ కుమార్ రెడ్డి (kirankumar reddy) ఇక్కడికి ఎందుకు వచ్చాడని అడిగారు. ప్రజా శాంతి పార్టీ అధినేత కేఏ పాల్‌పై కూడా గంగుల కమలాకర్ (Gangula Kamalakar) ఫైరయ్యారు. సీఎం కేసీఆర్‌పై చేసిన కామెంట్స్ సరికాదని హితవు పలికారు.
కాంగ్రెస్, బీజేపీ రెండు పార్టీలతో తెలంగాణకు ఓనగూరిన ప్రయోజనం ఏమీ లేదన్నారు. ఆ పార్టీల బాస్‌లు ఢిల్లీలో ఉంటారని.. మా బాస్‌లు మీరేనని చెప్పారు. తన మీద బరిలోకి దిగిన బండి సంజయ్ వరసగా మూడోసారి ఓడిపోతారని ధీమా వ్యక్తం చేశారు. గతంలో గుండెపోటు డ్రామా ఆడితే.. ఆ తర్వాత ఎంపీగా గెలిచారని గుర్తుచేశారు. ఇప్పుడు ప్రజలు ఆయనను విశ్వసించరని చెప్పారు.
