తెలంగాణ (Telangana) మత్స్యశాఖ ఆధ్వర్యంలో ఎన్టీఆర్‌ స్టేడియంలో మూడు రోజుల పాటు జరిగే ఫిష్ ఫుడ్ ఫెస్టివల్ (Fish Food Festival) ను మంత్రి తలసాని శ్రీనివాస్‌ యాదవ్‌ ప్రారంభించారు. ఈ సందర్భంగా ఆయన స్టాల్స్‌ను పరిశీలించి రొయ్యల ఫ్రై, బిర్యానీ, పకోడి, పులుసు వంటకాలను పరిశీలించారు. అనంతరం మంత్రి తలసాని (Minister Talasani) మాట్లాడుతూ ఎంతో రుచికరమైన వంటకాలతో ఏర్పాటు చేసిన ఫుడ్ ఫెస్టివల్‌ను సందర్శించి వంటకాలను రుచి చూసి.. ఆదరించాలని కోరారు. తెలంగాణ ఏర్పాటు తర్వాత సీఎం కేసీఆర్ ఆధ్వర్యంలో మత్స్య రంగం (Fisheries sector) అభివృద్ధికి ప్రభుత్వం అనేక కార్యక్రమాలు అమలు చేస్తుందని తెలిపారు. మృగశిర కార్తె (Mrigashira Karte) సందర్భంగా మహిళా మత్స్యకారులు చేపలు, రొయ్యలతో చేసే వివిధ రకాల వంటకాలను ప్రజలకు అందుబాటులోకి తేవాలని ఆలోచనతో సీఎం ఆదేశాల మేరకు రాష్ట్రంలోని అన్ని జిల్లా కేంద్రాల్లో సుమారు 800 స్టాల్స్‌ను ఏర్పాటు చేయించడం జరిగిందన్నారు.
చదవండి : Ambati Rayudu : సీఎం జగన్‌ను కలిసిన క్రికెటర్ అంబటి రాయుడు
మృగశిర కార్తెను పురస్కరించుకొని మూడు రోజుల పాటు (8,9,10 తేదీలలో) ఫిష్ ఫుడ్ ఫెస్టివల్ ను నిర్వహిస్తున్నారు. దీంతోపాటు ఊరూరా చెరువుల పండుగను నిర్వహిస్తున్నారు. అయితే, ఈ ఫిష్ ఫుడ్ ఫెస్టివల్‌లో భాగంగా చేపలు, రొయ్యలతో తయారు చేసిన ప్రై, కర్రీ, బిర్యానీ వంటి అన్ని రకాల వంటకాలు అందుబాటులో ఉంచారు. రంగారెడ్డి జిల్లా (Ranga Reddy District) స్థాయిలో సరూర్‌నగర్‌లో ఏర్పాటు చేసిన ఫిష్ ఫుడ్ ఫెస్టివల్‌ను మంత్రి సబితా ఇంద్రారెడ్డి (Sabita Indra Reddy) ప్రారంభించారు. ఈ సందర్భంగా పారిశ్రామిక మహిళా సహకార సంఘాల ఆధ్వర్యంలో ఏర్పాటు చేసిన ఫుడ్ స్టాళ్లను మంత్రి, ఎమ్మెల్యేలు, ఎమ్మెల్సీలు పరిశీలించారు. అనంతరం చేపలు, రొయ్యలతో చేసిన వంటకాల రుచులను ఆస్వాదించారు. ఈ కార్యక్రమంలో శాసన మండలి డిప్యూటీ చైర్మన్‌ బండ ప్రకాశ్‌, ఎమ్మెల్యే ముఠా గోపాల్‌, మత్స్య శాఖ అధికారులు మురళి, సుధాకర్, చరితా రెడ్డి పాల్గొన్నారు.
చదవండి : దేశంలో 50 మెడికల్ కాలేజీలకు కేంద్రం ఆమోదం
