NTR : మహానటుడు ఎన్టీఆర్(NTR) జన్మించి నూరు సంవత్సరాలు పూర్తికానుంది. ఆ సందర్భంగా ఈనెల 28న ఎన్టీఆర్ జయంతి సందర్భంగా నెల రోజుల నుంచి శతజయంతి ఉత్సవాలను జరుపుతున్నారు. ఈ సమయంలోనే దివంగత ఎన్టీఆర్ శతజయంతి ఉత్సవాలను నందమూరి కుటుంబ సభ్యులు(Nandamuri Family), వారి అభిమానులు ఘనంగా నిర్వహించడానికి ఏర్పాట్లు చేస్తున్నారు. రేపు అనగా శనివారం హైదరాబాదులోని కేపీహెచ్ బీ గ్రౌండ్లో(KPHB ground) ఎన్టీఆర్ శతజయంతి ఉత్సవాలు జరగనున్నాయి. ఈ కార్యక్రమాన్ని పురస్కరించుకుని నందమూరి అభిమానులు పెద్ద ఎత్తున ఏర్పాట్లు చేస్తున్నారు. అయితే ఈ కార్యక్రమానికి నందమూరి ఫ్యామిలీ నుంచి బాలకృష్ణ, జూనియర్ ఎన్టీఆర్(Jr. NTR) రాబోతున్నారు. వీరీతోపాటు నందమూరి కుటుంబ సభ్యులందరినీ ఆహ్వానించారు.
చదవండి :KA Paul : రూ.4 వేల కోట్లు రెడీ…ఇక కేంద్రానిదే లేటు : కేఏ పాల్
ఇక ఈ విషయం పక్కన పెడితే ఎన్టీఆర్ శత జయంతి వేడుకలకు టాలీవుడ్ ఇండస్ట్రీ అంతా ఒక్కటి కానుంది. స్టార్ హీరోలు అందరూ హాజరుకానున్నారు. మెగాస్టార్ చిరంజీవి నుంచి హీరో ప్రభాస్ వరకు అందర్నీ ఆహ్వానించారట. చిరంజీవి(Chiranjeevi), నాగార్జున(Nagarjuna), వెంకటేష్(Venkatesh) తప్ప మిగిలిన యంగ్ హీరోలు అందరూ ఈ కార్యక్రమంలో పాల్గొనే అవకాశం ఉందని తెలుస్తుంది. ముఖ్యంగా పాన్ ఇండియా హీరోలుగా ఉన్న ఎన్టీఆర్, ప్రభాస్(Prabhas), రామ్ చరణ్, అల్లు అర్జున్(Allu Arjun) వీరందరూ ఒకే వేదికపై వచ్చి మహా పురుషుడికి నివాళులర్పించబోతున్నారు. తెలుగువారు గర్వించదగ్గ నట సార్వభౌముడి శత జయంతి వేడుకకు తెలుగు చిత్ర పరిశ్రమలో ఉన్న ప్రముఖులు పాల్గొనడం ద్వారా ఎన్టీఆర్ కి ఘన నివాళిళ్లు ఇచ్చినట్లు అవుతుంది. ఇప్పటికే ఆంధ్రప్రదేశ్లో ఈ శత జయంతి ఉత్సవాలను నిర్వహించగా ఆ కార్యక్రమానికి సూపర్ స్టార్ రజినీకాంత్ ముఖ్య అతిథిగా విచ్చేసిన సంగతి తెలిసిందే.
చదవండి :Maharashtraలో బీఆర్ఎస్ శిక్షణా శిబిరం.. దూసుకెళ్లాలని సీఎం కేసీఆర్ ఆదేశం
