మునుగోడు ఎన్నికకు ఓటింగ్ తేదీ దగ్గరపడుతోంది. దీంతో… అన్ని పార్టీ ల ప్రముఖ నేతలంతా ప్రచారం చేస్తున్నారు. నువ్వా, నేనా అన్నట్లుగా ప్రచారాలు హోరెత్తిస్తున్నారు. కాగా… ఎన్నికల ప్రచారంలో భాగంగా మంత్రి జగదీష్ రెడ్డి(minister jagadish reddy) అక్కడి ఓటర్లకు వార్నింగ్ ఇవ్వడం గమనార్హం.
మునుగోడు ఉప ఎన్నికల్లో రాజగోపాల్ రెడ్డి గెలిస్తే టీఆర్ఎస్ అమలు చేస్తున్న సంక్షేమ పథకాలు ఆగిపోతాయని మంత్రి వార్నింగ్ ఇవ్వడం గమనార్హం. మునుగోడు ఉప ఎన్నికల ప్రచారంలో భాగంగా తెలంగాణ మంత్రి జగదీశ్ రెడ్డి మల్కాపూర్ లో పర్యటించారు. ఈ సందర్భంగా ఆయన సంచలన వ్యాఖ్యలు చేశారు. మునుగోడు ఉప ఎన్నికల్లో రాజగోపాల్ రెడ్డి గెలిస్తే టీఆర్ఎస్ అమలు చేస్తున్న సంక్షేమ పథకాలు ఆగిపోతాయని మంత్రి అన్నారు.
మునుగోడు టీఆర్ఎస్ అభ్యర్థి కూసుకుంట్ల ప్రభాకర్ కి మద్దతుగా మల్కాపూర్ లో జగదీష్ రెడ్డి ప్రచారం నిర్వహించారు. రైతు బీమా కావాలంటే కేసీఆర్కు ఓటేయాలన్నారు జగదీష్ రెడ్డి. తెలంగాణ రాష్ట్రంలో సీఎం కేసీఆర్ 24 గంటల కరెంట్ ఇస్తుంటే.. గుజరాత్ లో కేవలం 6 గంటల కరెంట్ ఇస్తున్నారని తెలిపారు.
రైతుల మోటర్లకి మీటర్ పెడితే తప్పు ఏముందని బీజేపీ నేత రాజగోపాల్ రెడ్డి చెబుతున్నారని.. ఒకవేళ రాజగోపాల్ రెడ్డిని గెలిపిస్తే టీఆర్ఎస్ ద్వారా వచ్చే పథకాలన్నీ ఆగిపోతాయని అన్నారు.
ఓటు వేసేటప్పుడు ప్రజలు ఆలోచించి నిర్ణయం తీసుకోవాలని కోరారు. ఎవరికి ఓటేస్తే మంచి జరుగుతుందో తేల్చుకోవాలని సూచించారు.
ఇది కూడా చూడండి: బ్రిటన్ కొత్త ప్రధాని పై చిరు(megastar chiranjeevi) ఇంట్రస్టింగ్ ట్వీట్…!
