ప్రస్తుతం ‘హరిహర వీరమల్లు’ సినిమాతో బిజీగా ఉన్నారు పవర్ స్టార్ పవన్ కళ్యాణ్. ఇటీవలె వర్క్ షాప్ కూడా నిర్వహించారు. ఇక ఈ సినిమాతో పాటు హరీష్ శంకర్ ‘భవధీయుడు భగత్ సింగ్’.. తమిళ్ రీమేక్ మూవీ ‘వినోదయ సీతమ్’.. పవన్ డేట్స్ కోసం ఎదురు చూస్తున్నాయి. అలాగే సురేందర్ రెడ్డితో కూడా పవన్ కమిట్మెంట్ ఉంది. ఇవన్నీ లైన్లో ఉండగానే పవన్ కొత్త ప్రాజెక్ట్స్ గురించి వార్తలొస్తునే ఉన్నాయి.
ఎవరో ఒక డైరెక్టర్ పవన్‌కు ఔట్ లైన్ వినిపిస్తున్నారని.. ఆయన ఓకే చెప్పారని.. దాంతో సదరు దర్శకులు పూర్తి కథను డెవలప్ చేసే పనిలో ఉన్నారని వినిపిస్తునే ఉంది. ఇక ఇప్పుడు మహేష్‌తో ‘సర్కారు వారి పాట’ను తెరెక్కించిన పరుశురాం.. పవన్ కోసం ఓ కథను రెడీ చేస్తున్నాడని జోరుగా ప్రచారం జరుగుతోంది. ‘సర్కారు వారి పాట’ తర్వాత నాగ చైతన్యతో సినిమా చేసేందుకు సన్నాహాలు చేస్తున్నాడు పరుశురాం.
అయితే ఈ ప్రాజెక్ట్ సెట్స్ పైకి వెళ్లడానికి చాలా సమయం పట్టేలా ఉంది. అందుకే ఈ గ్యాప్‌లో పవన్ కోసం స్టోరీ రెడీ చేస్తున్నట్లు టాక్. అయితే ఈయన ఇంకా పవన్ దగ్గరికి వెళ్లనేలేదట. కానీ పవన్ డేట్స్ ఇస్తాడనే నమ్మకంతో కథను సిద్ధం చేస్తున్నాడట. సీనియ‌ర్ నిర్మాత బి.వి.ఎస్‌.ఎన్‌.ప్ర‌సాద్ ద‌గ్గ‌ర పవన్ కళ్యాణ్ డేట్స్ ఉన్నాయట. ఇదే రెఫరెన్స్‌తో పవన్ కోసం కథపై కసరత్తులు చేస్తున్నాడట. స్టోరీ మొత్తం పూర్తయ్యాక పవన్‌కి వినిపించబోతున్నట్టు తెలుస్తోంది. మరి పరశురామ్.. పవన్‌కి సరిపడ పవర్ ఫుల్ స్టోరీ రాస్తాడా.. ఆయనను మెప్పించి.. లక్కీ ఛాన్స్ కొట్టేస్తాడా.. అనేది వేచి చూడాలి.
ఇది కూడా చూడండి: ‘వాల్తేర్ వీరయ్య’ పూనకాలు లోడింగ్..!
