రాజకీయాలపై చిరంజీవి స్పందించారు. తాను రాజకీయాలకు దూరం కావడానికి గల కారణాన్ని ఆయన వివరించారు. చిరంజీవి నటించిన గాడ్ ఫాదర్ సినిమా రేపు ప్రేక్షకుల ముందుకు రానున్న సంగతి తెలిసిందే.ఈ సినిమా లూసిఫర్ రిమేక్ గా తెరకెక్కింది. ఈ సందర్భంగా మాట్లాడిన చిరంజివి.. పొలిటికల్ గా చేసిన కామెంట్స్ ఇప్పుడు తీవ్ర చర్చనీయాంశమయ్యాయి.
పవన్ కళ్యాణ్ కు ఇప్పటి వరకు తాను పూర్తి స్థాయిలో మద్దతు ఇవ్వలేదనన్నారు. భవిష్యత్ లో జనసేనకు మద్దతు ఇస్తానో లేదో తెలియదని వ్యాఖ్యానించారు. గాడ్ ఫాధదర్ లో పార్టీకి – జనసేన కు సంబంధం లేదన్నారు. అదే సమయంలో పవన్ తన తమ్ముడు అని..మంచి నాయకుడు అవుతాడని చిరంజీవి ఆశాభావం వ్యక్తం చేసారు. పవన్ ఒక వైపు..తాను ఒక వైపు రాజకీయాల్లో ఉండటం కంటే తాను రాజకీయాలకు దూరంగా ఉండటం తమ్ముడుకు మేలు చేయవచ్చని విశ్లేషించారు. పవన్ నిబద్దత- నిజాయితీ తనకు తెలుసన్నారు. పవన్ రాజకీయంగా ఎదిగేందుకే తాను బయటకు వచ్చానని చెప్పారు.
భవిష్యత్ లో ఎవరి వైపు ఉంటాడో..ఉలా ఉంటుందో తాను చెప్పలేనన్నారు. పవన్ లాంటి నిబద్దత ఉన్న నాయకుడుకు ఏలే అవకాశం రావాలని ఆకాంక్షించారు. ప్రజలు అవకాశం ఇస్తారా లేదా అనేది చూడాలని చెప్పారు. పవన్ కు తన పూర్తి మద్దతు ఉంటుందని చిరంజీవి స్పష్టం చేసారు. తన ఆకాంక్ష కూడా అదేనని క్లియర్ గా పేర్కొన్నారు. పవన్ కళ్యాణ్ కు మద్దతు ఇస్తానని స్పష్టంగా చెప్పకపోయినా..ఇస్తాననే సంకేతాలు చిరంజీవి ఇచ్చినట్లు స్పష్టం అవుతోంది. తామిద్దరం చెరో వైపు ఉండటం కంటే తాను పక్కకు తప్పుకోవటమే పవన్ కు మేలు చేస్తుందని మెగాస్టార్ వివరించారు. ఇప్పటికే మెగా ఫ్యాన్స్ జనసేనకు మద్దతు ప్రకటించారు. ఇప్పుడు జనసేనకు చిరంజీవి రాజకీయ గాడ్ ఫాదర్ గా ఉండటం ఖాయంగా కనిపిస్తోంది.
