Smartphone: ప్రస్తుతం అందరూ స్మార్ట్‌ఫోన్లను ఉపయోగిస్తున్నారు. అయితే ఇప్పుడు స్మార్ట్ ఫోన్లన్నీ పూర్తిగా యాప్‌ల ఆధారంగా పనిచేస్తున్నాయి. మెసేజింగ్, సోషల్ మీడియా, గేమింగ్, బ్యాంకింగ్ ఇలా ఏ అవసరానికైనా యాప్‌లు వాడాల్సిందే. ఇదిలా ఉండగా తాజాగా డాయిషే టెలికాం కంపెనీ కొత్త స్మార్ట్‌ఫోన్ కాన్సెప్ట్‌ను తీసుకొస్తోంది. కృత్రిమ మేధ ఆధారంగా పనిచేసే దీన్ని ఎలాంటి యాప్‌లు అవసరం లేకుండా ఉపయోగించుకోవచ్చు. బార్సిలోనాలో జరుగుతున్న మొబైల్ వరల్డ్ కాంగ్రెస్‌లో తమ టీ-ఫోన్ డివైజ్‌లోని ఈ కాన్సెప్ట్‌ను కంపెనీ వివరించింది. యూజర్లు నోటితో ఇచ్చే కమాండ్లకు ఏఐ ఆధారిత అసిస్టెంట్ స్పందించేలా ఈ కొత్త స్మార్ట్‌ఫోన్ కాన్సెప్ట్‌ను రూపొందించారు.
ఇది కూడా చూడండి: Anupama Parameswaran: అనుపమా మీ సొంతం కావాలా? అయితే అలా చేస్తే చాలు!
నావిగేషన్, క్యాబ్, హోటల్ బుకింగ్ వంటి అన్ని పనులు ఎలాంటి యాప్‌లు, ఇంటర్నెట్ కనెక్షన్ అవసరం లేకుండానే పూర్తి చేయవచ్చు. క్లౌడ్ నుంచి ఏఐ సామర్థ్యాన్ని ఉపయోగించుకోవడం ద్వారా ఇది సాధ్యం కానుంది. మరోవైపు క్వాల్‌కామ్‌తో జట్టు కట్టడం ద్వారా ఏఐను నేరుగా డివైజ్‌లోనే పొందుపర్చనుంది. కొన్ని అవసరాల కోసం ఆఫ్‌లైన్ ఫంక్షనాలిటీని జత చేయనుంది. వచ్చే ఐదు నుంచి పదేళ్లలో ఎవరూ ఫోన్లలో యాప్‌లను ఉపయోగించబోరని ఎండబ్ల్యూసీలో ప్రసంగిస్తూ డాయిషే టెలికాం సీఈఓ టీమ్ హోఎట్జెస్ తెలిపారు. లార్జ్ లాంగ్వేజ్ మోడల్స్ త్వరలో అన్ని ఎలక్ట్రానిక్స్ పరికరాల్లో భాగమైపోతాయని తెలిపారు.
ఇది కూడా చూడండి: Google Map: గూగుల్ మ్యాప్స్‌లో కొత్త ఫ్యూచర్
