If we give 7 lakhs, we will pass NEET.. Gharana fraud in AIIMS in Delhi
NEET UG 2024 : నేషనల్ టెస్టింగ్ ఏజెన్సీ (NTA) నేషనల్ ఎలిజిబిలిటీ కమ్ ఎంట్రన్స్ టెస్ట్ – అండర్ గ్రాడ్యుయేట్ 2024 (NEET UG 2024) కోసం రిజిస్ట్రేషన్ ప్రక్రియను 9 ఫిబ్రవరి 2024 నుండి ప్రారంభించింది. ఈసారి రిజిస్ట్రేషన్ కోసం కొత్త వెబ్‌సైట్‌ను కూడా ప్రారంభించారు. ఇంతకుముందు neet.nta.nic.inలో దరఖాస్తు చేయాల్సి ఉండగా, ఈసారి అధికారిక వెబ్‌సైట్ neet.ntaonline.inలో రిజిస్ట్రేషన్ చేయాల్సి ఉంటుంది. NEET UG 2024 పరీక్ష ఈసారి దేశం వెలుపల నిర్వహించబడదు. పరీక్ష సిలబస్ ఏమిటి.. ఎలా దరఖాస్తు చేసుకోవాలో తెలుసుకుందాం.
NEET UG 2024 కోసం భారతదేశంలోని మొత్తం పరీక్ష నగరాల సంఖ్య గత సంవత్సరం 499 నగరాలకు బదులుగా 554 నగరాలకు పెంచబడింది. NEET UG 2024 పరీక్ష కోసం అభ్యర్థులు తమకు నచ్చిన నాలుగు పరీక్షా నగరాలను ఎంచుకోవచ్చు. నేషనల్ మెడికల్ కమిషన్ నిర్ణయం ప్రకారం.. నీట్ యుజి పరీక్షను దేశం వెలుపల నిర్వహించబోమని ఎన్‌టిఎ అధికారి ఒకరు తెలిపారు.
NEET UG 2024 దరఖాస్తు రుసుము
దరఖాస్తు ఫీజులో ఎలాంటి మార్పు లేదు. ఇది జనరల్ కేటగిరీ/ఎన్‌ఆర్‌ఈకి రూ.1700, జనరల్ ఈడబ్ల్యూఎస్/ఓబీసీకి రూ.1600, ఎస్సీ, ఎస్టీ కేటగిరీ అభ్యర్థులకు రూ.1000.
neet ug 2024 అర్హత
నేషనల్ మెడికల్ కమిషన్ ప్రకారం, 12వ తరగతి విద్యార్థులు, ఫిజిక్స్, కెమిస్ట్రీ, బయాలజీ లేదా బయోటెక్నాలజీని ఇంగ్లీష్‌తో పాటు అదనపు సబ్జెక్ట్‌గా తీసుకున్న లేదా ఈ సబ్జెక్టులతో 12వ పరీక్షలో ఉత్తీర్ణులైన వారు పరీక్షకు దరఖాస్తు చేసుకోవచ్చు. అర్హత, ఈ పరీక్షకు సంబంధించిన మరింత సమాచారం కోసం మీరు నేషనల్ టెస్టింగ్ ఏజెన్సీ జారీ చేసిన నోటిఫికేషన్‌ను తనిఖీ చేయవచ్చు.
NEET UG 2024 కోసం ఎక్కడ, ఎలా దరఖాస్తు చేయాలి?
* అధికారిక వెబ్‌సైట్ neet.ntaonline.inకి వెళ్లండి.
* హోమ్ పేజీలో ఇచ్చిన రిజిస్ట్రేషన్ ట్యాబ్‌పై క్లిక్ చేయండి.
* మెయిల్ ID, ఫోన్ నంబర్‌ను నమోదు చేయాలి.
* పర్సనల్ వివరాలు పూరించాలి. ఆ తర్వాత సంబంధిత పత్రాలను అప్ లోడ్ చేయాలి.
* ఫీజు చెల్లించాలి.
neet ug 2024 సిలబస్
NEET UG 2024 ప్రశ్నలు నాలుగు సబ్జెక్టులను కలిగి ఉంటాయి. ఫిజిక్స్, కెమిస్ట్రీ, బోటనీ, జువాలజీ. NMC గతంలో 2023 – 2024 పరీక్షలకు నీట్ సిలబస్‌లో స్వల్ప మార్పులు చేసింది. కోవిడ్ తర్వాత NCERT సిలబస్‌లో మార్పులకు అనుగుణంగా NEET UG సిలబస్‌లో మార్పులు చేయబడ్డాయి.
