‘మోస్ట్ ఎలిజిబుల్ బ్యాచలర్‌’ మూవీతో ఓ మోస్తారు హిట్ అందుకున్నాడు తప్పితే.. ఇప్పటి వరకు అఖిల్‌కు సాలిడ్ హిట్ మాత్రం పడలేదు. దాంతో ఏజెంట్ పైనే భారీ ఆశలు పెట్టుకున్నాడు అక్కినేని కుర్రాడు. అందుకే సరికొత్తగా సిక్స్ ప్యాక్ బాడీతో మేకోవర్ అయ్యాడు. ఇప్పటికే రిలీజ్ అయిన ‘ఏజెంట్’ టీజర్ ఒక్కసారిగా అంచనాలను పెంచేసింది. దర్శకుడు సురేందర్ రెడ్డి ఈ సినిమాను స్టైలిష్ యాక్షన్ ఎంటర్టైనర్‌గా తెరకెక్కిస్తున్నాడు. దాంతో అక్కినేని ఫ్యాన్స్ ఎంతో ఆసక్తిగా ఈ సినిమా కోసం ఎదురుచూస్తున్నారు. అయితే ఈ సినిమా రిలీజ్ డేట్ విషయంలో మాత్రం క్లారిటీ రావడం లేదు. ఆగస్ట్ 12న థియేటర్లలోకి రావాల్సిన ఈ సినిమా పోస్ట్ పోన్ అవుతునే ఉంది.
కానీ త్వరలోనే రిలీజ్ డేట్ అనౌన్స్ చేసే ఛాన్స్ ఉందంటున్నారు. అయినా ఇంకా ఈ సినిమా షూటింగ్ కంప్లీట్ అవలేదని తెలుస్తోంది. ప్రస్తుతం ‘ఏజెంట్’ ఇంట్రడక్షన్ సీక్వెన్స్‌కు సంబంధించిన షూటింగ్ హైదరాబాద్‌లో జరుగుతున్నట్టు సమాచారం. ఇక ఈ ఇంట్రో గూస్ బంప్స్ తెప్పించేలా ఉంటుందని టాక్. ఇప్పటికే అఖిల్ మేకోవర్ చూసి షాక్ అయ్యారు అభిమానులు. ఇక ఇప్పుడు అంతకు మించి అనేలా ఇంట్రో సీన్ ఉంటుందని అంటున్నారు.. దాంతో థియేటర్లో అక్కినేని ఫ్యాన్స్ రచ్చ లేపడం ఖాయమంటున్నారు. ఇక వక్కంతం వంశీ కథను అందిస్తున్న ఈ సినిమాలో.. సాక్షి వైద్య హీరోయిన్‌గా నటిస్తుండగా.. మమ్ముట్టి కీలక పాత్రలో కనిపించనున్నారు. మరి ఏజెంట్ మూవీకి అఖిల్‌కు ఎలాంటి హిట్ ఇస్తుందో చూడాలి.
