చిత్తూరులో భారీ జరిమానాలు

చిత్తూరులో మద్యం సేవించి వాహనాలు నడిపిన ఆరుగురికి రూ.60 వేల జరిమానా విధించారు. అలాగే ట్రాఫిక్‌కు అంతరాయం కలిగిస్తూ వ్యాపారం నిర్వహించిన 123 మందికి రూ.66,150 జరిమానా పడింది. ఎస్పీ తుషార్ డూడి ఆదేశాలతో ట్రాఫిక్ పోలీసులు చేపట్టిన తనిఖీల్లో ఈ ఉల్లంఘనలు గుర్తించారు. నిబంధనలు ఉల్లంఘిస్తే కఠిన చర్యలు తప్పవని ట్రాఫిక్ ఇన్‌స్పెక్టర్ నరసింహరాజు హెచ్చరించారు.