గంజాయి కేసులో నిందితుడికి ఐదేళ్ల జైలు శిక్ష

KNR: గంజాయి కేసులో నిందితుడికి కోర్టు ఐదేళ్ల జైలు శిక్షను విధించింది. 2022లో నమోదైన కేసులో జుంబర్తి ఈశ్వర్‌కు కరీంనగర్ ప్రత్యేక కోర్టు 5 ఏళ్ల కఠిన శిక్షతో పాటు రూ.1000 జరిమానా విధించింది. నిందితుడి నుంచి 1.100 కిలోల గంజాయిని పోలీసులు స్వాధీనం చేసుకున్నారు. మండలంలో గంజాయి, మాదకద్రవ్యాల అక్రమ రవాణాను ఉపేక్షించేది లేదని, కఠిన చర్యలు తీసుకుంటామని ఎస్సై తిరుపతి తెలిపారు.