త్రిపురాంతకం పోలీస్ స్టేషన్‌ను తనిఖీ చేసిన ఎస్పీ

ప్రకాశం: త్రిపురాంతకం పోలీస్ స్టేషన్‌ను మార్కాపురం జిల్లా ఎస్పీ పంకజ్ కుమార్ మీనా ఆదివారం ఆకస్మికంగా తనిఖీ చేశారు. ఈ సందర్భంగా స్టేషన్ పరిసరాలు, రికార్డులు, కేసుల నిర్వహణకు సంబంధించిన రిజిస్టర్లను పరిశీలించారు. అనంతరం సిబ్బందితో మాట్లాడి విధులు, సమస్యలను అడిగి తెలుసుకున్నారు. ప్రజలకు మెరుగైన సేవలు అందిస్తూ బాధ్యతాయుతంగా విధులు నిర్వహించాలని సిబ్బందికి సూచించారు.