పిడుగు పడి యువకుడు మృతి

నిజామాబాద్ జిల్లా ఇందల్వాయి మండలం దేవీతండాలో విషాద ఘటన చోటుచేసుకుంది. పొలం వద్ద పిడుగు పడటంతో చరణ్ అనే యువకుడు అక్కడికక్కడే మృతి చెందాడు. వ్యవసాయ పనుల నిమిత్తం పొలం వద్ద ఉన్న సమయంలో ఒక్కసారిగా పిడుగు పడటంతో ఈ ప్రమాదం జరిగింది. ఘటనతో కుటుంబ సభ్యులు, స్థానికులు తీవ్ర విషాదంలో మునిగిపోయారు. సమాచారం అందుకున్న పోలీసులు వెంటనే ఘటన స్థలానికి చేరుకుని పరిస్థితిని పరిశీలించారు.