ఫిరంగిపురం పేరుకు ఆసక్తికర చరిత్ర!

గుంటూరు జిల్లా ఫిరంగిపురం పేరుకు వెనుక ఆసక్తికర చరిత్ర ఉంది. కొండ వీడు రాజుల కాలంలో ఇక్కడ ఫిరంగులు తయారు చేసే వారని, అందుకే ఈ పేరు వచ్చిందని స్థానికుల కథనం. ఫ్రెంచ్‌ తదితర ఐరోపా దేశస్థులను ‘ఫిరంగి’గా పిలిచే వారని, వారి కారణంగానే పేరొచ్చిందనే మరో వాదన ఉంది. 1891లో నిర్మించిన బాలయేసు కేథడ్రల్, సుమారు 900 ఏళ్ల నాటి చోళేశ్వర శివాలయం చరిత్రకు సాక్ష్యాలు.