బురదమయంగా రహదారి

JN: రఘునాథపల్లి మండలం కంచనపల్లి పంచాయతీ పరిధిలోని కమలాపురం–దొనబండ గ్రామాలకు 40 ఏళ్లుగా రహదారి సమస్య వెంటాడుతోంది. 2 కి.మీ మేర మట్టి రోడ్డే దిక్కుగా ఉండగా, పదేళ్ల క్రితం వేసిన కంకర, మొరం రోడ్డు కూడా దెబ్బతిని మట్టిరోడ్డుగా మారింది. వర్షం కురిస్తే బురదమయంగా మారడంతో గ్రామస్థులు ఇబ్బందులు పడుతున్నారు. అధికారులు స్పందించి రోడ్డు వేయాలని స్థానికులు కోరుతున్నారు.