అంతర్వేది తీరంలో వలల వివాదం.. మత్స్యకారులు నిరసన

అంతర్వేది పల్లిపాలెం తీరంలో రింగ్ వలలు, లాగుడు వలల వివాదంపై శనివారం సంప్రదాయ మత్స్యకారులు ధర్నా చేశారు. ఇతర ప్రాంతాల వారు తీరం సమీపంలో ఈ వలలతో వేట చేయడం వల్ల జీవనోపాధి దెబ్బతింటోందని స్థానికులు వాపోయారు. చిన్న చేపలు నశించి సముద్ర సంపద తరిగిపోతోందని ఆవేదన చెందారు. మెరైన్ ఫిషింగ్ చట్టం అమలు చేసి శాశ్వత పరిష్కారం చూపాలని కోరారు.