పెట్రోల్ దాడికి గురైన కార్మికురాలు మృతి

కర్నూలు: ఆదోనిలో పెట్రోల్ దాడికి గురైన మున్సిపల్ పారిశుద్ధ్య కార్మికురాలు నరసమ్మ చికిత్స పొందుతూ ఆదివారం మృతి చెందారు. ఈ నెల 6న ఆర్టీసీ బస్టాండ్ సమీపంలో విధులు నిర్వహిస్తున్న ఆమెపై గుర్తుతెలియని వ్యక్తి కారం చల్లి, పెట్రోల్ పోసి నిప్పంటించి పరారయ్యాడు. తీవ్ర గాయాలతో ఆసుపత్రిలో చేరిన నరసమ్మ పరిస్థితి విషమించడంతో తుదిశ్వాస విడిచారు.