రైతుల స్వచ్ఛంద పూడికతీత

SKLM: ఎచ్చెర్ల మండలంలోని కొత్తపేట గ్రామంలోని కాలువలో పూడికతీత పనులను రైతులు బుధవారం స్వచ్ఛందంగా చేపట్టారు. ఈ కాలువ నుంచి సుమారు 10 గ్రామాల రైతులు పంటలు సాగు చేసేందుకు నీరు అందుతుంది. అయితే కాలువలో పూడిక పేరుకుపోయి నీటి ప్రవాహానికి ఆటంకం ఏర్పడుతున్నా ఎవరూ పట్టించుకోకపోవడంతో రైతులే స్వయంగా ముందుకు వచ్చి పూడికతీత పనులు చేపట్టారు.