రైలు ప్రమాదంపై భారీ మాక్ డ్రిల్

రైలు ప్రమాదాలపై అవగాహన కల్పిస్తూ తమిళనాడులోని తిరుచ్చిలో భారీ మాక్ డ్రిల్ నిర్వహించారు. రెండు ఏసీ త్రీ-టైర్ కోచ్‌లు, ఒక జనరల్ కోచ్ పట్టాలు తప్పినట్లుగా సహాయక బృందాలు ఒక కృత్రిమ ప్రమాదాన్ని సృష్టించాయి. ప్రమాదం జరిగిన వెంటనే క్షతగాత్రులను రక్షించడం, బోగీల్లో చిక్కుకున్న ప్రయాణికులను వెలుపలికి తీసుకురావడం, ప్రథమ చికిత్స అందించడం వంటి ప్రక్రియలను విజయవంతంగా ప్రదర్శించారు.