జ్వరంతో ఉన్నప్పుడు స్నానం చేయవచ్చా?

జ్వరంతో ఉన్నప్పుడు స్నానం చేయకూడదని చాలామంది చెబుతుంటారు. కానీ, గోరువెచ్చని నీటితో స్నానం చేయడం ఆరోగ్యానికి చాలా మంచిది. ఇది శరీర ఉష్ణోగ్రతను తగ్గించి, అలసట నుంచి ఉపశమనం ఇస్తుంది. కానీ, చల్లటి నీరు లేదా మరీ వేడి నీటిని వాడకూడదు. ఒకవేళ శరీరం బాగా నీరసించి, కళ్ళు తిరుగుతున్నట్లు ఉంటే స్నానానికి దూరంగా ఉండటమే మేలు. అలాంటి సమయంలో తడి గుడ్డతో శరీరాన్ని తుడుచుకోవడం సురక్షితం.