'ఎక్స్‌ప్రెస్‌వే' గుంతలపై కాంగ్రెస్ విమర్శలు

గత ఏప్రిల్‌లో రూ.12 వేల కోట్లతో ప్రారంభించిన 'ఢిల్లీ-డెహ్రాడూన్ ఎక్స్‌ప్రెస్‌వే' తొలి వర్షాలకే గుంతలమయమవడంపై కాంగ్రెస్ తీవ్రస్థాయిలో మండిపడింది. కేవలం రెండు నెలలకే రహదారి దెబ్బతినడం మోదీ ప్రభుత్వ అవినీతికి, నిధుల దుర్వినియోగానికి నిదర్శనమని ఎక్స్ వేదికగా ఆరోపించింది. దేశవ్యాప్తంగా వంతెనలు, మౌలిక సదుపాయాలు కూలిపోతున్నాయని ప్రభుత్వంపై ధ్వజమెత్తింది.