మదనపల్లి డీఈఓకు ఉప విద్యాశాఖాధికారిగా అదనపు బాధ్యతలు

అన్నమయ్య: మదనపల్లి ఉప విద్యాశాఖాధికారి (డిప్యూటీ ఈఓ)గా జిల్లా విద్యాశాఖ అధికారి (డీఈఓ) డాక్టర్ కె. సుబ్రమణ్యంకు అదనపు బాధ్యతలు అప్పగించారు. ఈ మేరకు పాఠశాల విద్యాశాఖ సంచాలకులు తమీం అన్సారియా గురువారం ఉత్తర్వులు జారీ చేశారు. కొత్త నియామకం జరిగే వరకు ఈ బాధ్యతలు నిర్వహించనున్నారు. దీంతో మదనపల్లి విద్యాశాఖ పరిపాలనా వ్యవహారాల పర్యవేక్షణ మరింత సమర్థవంతంగా సాగనుంది.