ఎన్నికల నియమావళి ఉల్లంఘిస్తే కఠిన చర్యలు: ఎస్పీ

అన్నమయ్య: పంచాయతీ ఎన్నికల నామినేషన్ల సందర్భంగా నిబంధనలు తప్పనిసరిగా పాటించాలని జిల్లా ఎస్పీ ధీరజ్ కునుబిల్లి సూచించారు. నామినేషన్ కేంద్రాల్లోకి అభ్యర్థితో పాటు ఇద్దరికే అనుమతి ఉంటుందని, ర్యాలీలు, గుంపులుగా రావడం నిషేధమని తెలిపారు. నిబంధనలు ఉల్లంఘిస్తే చట్టపరమైన చర్యలు తీసుకుంటామని హెచ్చరించారు.