మందుల కవర్లపై రగడ.. పంపిణీ నిలిపివేత

తమిళనాడులో భాషా విధానంపై మరోసారి వివాదం రాచుకుంది. ప్రభుత్వ ఆసుపత్రుల్లో రోగులకు అందించే మందుల కవర్లపై తమిళం, ఇంగ్లిష్‌తో పాటు హిందీలోనూ వివరాలు ముద్రించారు. ఇందుకు సంబంధించిన ఫొటోలు వైరల్ కావడంతో రాజకీయ నాయకులు విమర్శలు గుప్పించారు. ఈ నేపథ్యంలో అప్రమత్తమైన అధికారులు కోయంబత్తూరు, కరూర్ ప్రభుత్వ ఆసుపత్రుల్లో మూడు భాషల్లో ముద్రించిన మందుల కవర్ల పంపిణీని నిలిపివేశారు.