'ప్రైవేటు సెక్టారులోనూ శిశు సంరక్షణ సెలవులివ్వాలి'

ప్రైవేటు రంగంలో తల్లిదండ్రులు పనిచేస్తుంటే వారికి కూడా శిశు సంరక్షణ సెలవులు పొందే విధానం అమలు చేయాలని కేంద్రానికి జాతీయ మహిళా కమిషన్‌ సిఫార్సు చేసింది. తొలుత భారీ పరిశ్రమల్లో.. తర్వాత మధ్య, చిన్న తరహా పరిశ్రమలకు దీన్ని విస్తరించాలని సూచించింది. ఈ మేరకు 37 సిఫార్సులతో నివేదిక ఇచ్చింది. శిశు సంరక్షణకు 730 రోజుల సెలవులను తల్లిదండ్రులు పంచుకునేలా వీలు కల్పించాలని తెలిపింది.