వంతెన పైనుంచి కారు పల్టీ.. ముగ్గురు మృతి

ముంబై కోస్టల్ రోడ్డుపై ఘోర ప్రమాదం చోటుచేసుకుంది. ఇవాళ తెల్లవారుజామున మెరైన్ డ్రైవ్ నుంచి హాజీ అలీ వైపు వేగంగా వెళ్తున్న BMW కారు అదుపుతప్పి వంతెన పైనుంచి కిందపడింది. గాల్లో రెండు పల్టీలు కొట్టి కింది నిర్మాణ ప్రాంతంలో కుప్పకూలింది. ఈ ఘోర ప్రమాదంలో కారులో ఉన్న ముగ్గురు ప్రాణాలు కోల్పోగా, మరొకరి పరిస్థితి విషమంగా ఉంది. మృతుల్లో షనయ్(21), 17 ఏళ్ల బాలుడు ఉన్నారు.