ఉమ్మడి నల్గొండ జిల్లాలో గొర్రెల ధరలు భారీగా పెరగడంతో చిన్న వ్యాపారులు తీవ్ర ఇబ్బందులు పడుతున్నారు. మారుబేరగాళ్లు అధిక రేట్లు చెప్పడంతో ఒకటి, రెండు గొర్రెలు కొనే చిన్న వ్యాపారులు వెనక్కు తగ్గుతున్నారు. దీంతో మార్కెట్లో కొనుగోళ్లు తగ్గి, అమ్మకాలు పడిపోయాయి. ఇదే ధరలు కొనసాగితే కిలో మటన్ ధర రూ.1,000 దాటే అవకాశం ఉంటుందని వ్యాపారులు ఆందోళన వ్యక్తం చేస్తున్నారు.
