ఢిల్లీలో వాయు కాలుష్యం అత్యంత ప్రమాదకర స్థాయికి చేరింది. దీనిపై పలువురు ప్రముఖులు ఆందోళన వ్యక్తం చేస్తున్నారు. ఈ క్రమంలోనే ప్రధాని మోదీపై కాంగ్రెస్ అగ్రనేత రాహుల్ గాంధీ విమర్శలు గుప్పించారు. రోజురోజుకి క్షీణిస్తున్న వాయు నాణ్యతపై ఎందుకు మౌనంగా ఉన్నారంటూ ప్రశ్నించారు. పిల్లలు ఊపిరి తీసుకోలేక ఇబ్బంది పడుతున్నారని తెలిపారు. అత్యవసర ప్రణాళిక ఎందుకు ప్రకటించడం లేదని నిలదీశారు.
