సత్యసాయి: ధర్మవరం మార్కెట్ యార్డ్లో ఉన్న ఈవీఎం గోడౌన్లను జిల్లా కలెక్టర్ ఏ. శ్యాం ప్రసాద్ శుక్రవారం రాజకీయ పార్టీల ప్రతినిధుల సమక్షంలో తనిఖీ చేశారు. ఎన్నికల కమిషన్ మార్గదర్శకాల ప్రకారం నెలవారీ తనిఖీల్లో భాగంగా గోడౌన్ల భద్రతా ఏర్పాట్లు, సీసీ కెమెరాలు, ఫైర్ సేఫ్టీ, 24 గంటల భద్రత వ్యవస్థలను పరిశీలించారు. అవసరమైన భద్రతా చర్యలను మరింత బలోపేతం చేయాలని సూచించారు.
